నేను ఒంటరిని కాదు...ఆ మాట అనేవారే ఏకాకులు: వైయస్ జగన్

ఒంగోలు: నేను ఎప్పటికీ ఒంటరిని కాదు..అసలు ఆ మాట మీకు ఎవరు చెప్పారు? ఎమ్మెల్యేలు..ఎంపీలు, మంత్రలు వెంట ఉంటేనే అండదండలు ఉన్నట్టా..? వీరిలో ఏ ఒక్కరు ఉన్నా లేకపోయినా..కొండంత అభిమానం చూసించే రాష్ట్ర ప్రజానీకం అండదండలు పుష్కలంగా ఉన్నాయని, అందువల్ల తాను ఎప్పటికీ ఒంటరి వాడిని కాదని కడప ఎంపీ వైయస్ జగన్ అన్నారు. తాను ఒంటరి వాడిని అయ్యానని ఎవరైతే వ్యాఖ్యలు చేస్తున్నారో..రారే ఎవరూ లేని ఏకాకులు అని ఆయన తేల్చి చెప్పారు.

ప్రకాశం జిల్లాలో కొనసాగిస్తున్న ఓదార్పు యాత్రలో భాగంగా వెలిగండ్ల మండలంలో ఆయన కీలక ప్రసంగం చేశారు. ఇంతమంది తోడుగా ఉంటే నేను ఒంటరిని ఎలా అవుతాను. అసలు నేను ఏకాకినని ఎవరు అన్నారు. ఆ మాటలు అనే వారే తన దృష్టిలో ఒంటరివారన్నారు. కేవలం తమ కుటుంబాన్ని మాత్రమే కాకుండా రాష్ట్రాన్ని ఒక కుటుంబంగా చూసిన మహానేత వైయస్ ఆర్ హఠాన్మరణం తర్వాత ఈ రోజు చిరునవ్వుతో మీ ముందు ఉన్నానంటే అది మీరందరూ చూపుతున్న ప్రేమాభిమానాలేన్నారు. ఆరు నూరైనా తన యాత్రను పూర్తి చేసి తీరుతానని, ప్రజలకు ఇచ్చిన మాటను నిలబెట్టుకుంటానని జగన్ తేల్చి చెప్పారు.