చిరంజీవిపై ముఖ్యమంత్రి రోశయ్య పరోక్ష విమర్శలు

హైదరాబాద్: ముఖ్యమంత్రి రోశయ్య ప్రజారాజ్యం ఆధినేత చిరంజీవిపై పరోక్ష విమర్శలు చేశారు. కొందరు నాయకులు ప్రజలలో సానుభూతి కొట్టైయడానికి స్వార్థంతో రాజకీయ ప్రయోజనాలు ఆశించి ధర్నాలు, రాస్తారోకోలు, అరెస్టులు అంటూ నాటకాలాడుతున్నారని చిరును ఉద్ధేశించి వ్యాఖ్యానించారు. ఆయన ప్రతిపక్ష నాయకుడు చంద్రబాబుపైనా ప్రత్యక్ష విమర్శలకు దిగారు. చంద్రబాబు రైతుల విషయంలో ముసలి కన్నీరు కారుస్తున్నారన్నారు.

తొమ్మిదేళ్ల తన పాలనలో రైతులను ఏనాడూ ఆయన పట్టించుకోన్నారు.ఎరువుల కొరత ఉన్నప్పటికీ అది కొన్ని ప్రాంతాలలో మాత్రమే ఉందని, కాని చంద్రబాబు దానిని రాష్ట్రమంతా ఉన్నట్టు గోరంతను కొండంత చేసి చూపిస్తున్నారని ఆగ్రహం వ్యక్తం చేశారు.చంద్రబాబుకు ఏం పనిలేకనే అనవసర వివాదానికి తెరతీస్తున్నారన్నారు.