వైయస్ జగన్ ను మరోసారి టార్గెట్ చేసుకున్న చిరంజీవి

శ్రీకాకుళం: కాంగ్రెసు కడప పార్లమెంటు సభ్యుడు వైయస్ జగన్ ను ప్రజారాజ్యం పార్టీ అధ్యక్షుడు చిరంజీవి మరో సారి టార్గెట్ చేసుకున్నారు. గనుల వ్యవహారంపై తీవ్ర ఆరోపణలు చేస్తూ ధ్వజమెత్తారు. అ, ఆలకు అర్థాలు మార్చేసారని, అ అంటే అవినీతి..ఆ అంటే ఆక్రమణ అని ఆయన వ్యాఖ్యానించారు. పప్పులు బెల్లాలు ప్రజలకు ఇచ్చి కోట్ల రూపాయల అక్రమాస్తులను సంపాదించుకున్నారని ఆయన ఆరోపించారు. గనుల లీజు వ్యవహారాలపై శ్వేతపత్రం విడుదల చేయాలని ఆయన డిమాండ్ చేశారు.

నేతల అక్రమ ఆస్తులపై విచారణ జరిపించాలని చిరంజీవి డిమాండ్‌ చేశారు. రోజుకో కుంభకోణం వెలుగు చేస్తోందని...ఇలాగే జరిగితే ప్రజలు తిరగబడతారని అన్నారు. ప్రజాధనాన్ని, ప్రభుత్వ ఆస్తులను సంతర్పణ చేస్తుంటే చూస్తూ వూరుకోమని హెచ్చరించారు.