విశాఖలో ప్రేమించలేదని అమ్మాయి గొంతు కోసిన ప్రేమోన్మాది

విశాఖపట్నం: ప్రేమను తిరస్కరించిందనే కారణంతో విశాఖపట్నంలోని మరో విద్యార్థి ఓ అమ్మాయి గొంతుకోసిన సంఘటన చోటు చేసుకుంది. విశాఖపట్నంలోని సీతంపేటలోని ఓ ఇంటర్ నెట్ సెంటర్లో ప్రవీణ్ అనే ప్రేమోన్మది శిరీష అనే యువతి గొంతుకోశాడు. వెంటనే ఆమెను దగ్గరలోని ఆసుపత్రికి తరలించారు. ఐతే శిరీష పరిస్థితి విషమంగా ఉన్నట్టు వైద్యులు చెప్పారు.

ఉన్మాదంతో శిరీష గొంతుకోసిన ప్రవీణ్ అక్కడి నుంచి వెంటనే పరారయ్యాడు. ఈ ఉన్మాది అనకాపల్లి వాసి. కాగా శిరీష తునిశ్రీ ఇంజనీరింగ్ కళాశాలలో బి.టెక్ చదువుతోంది. ప్రేమను తిరస్కరించిందనే ఈ ఘాతుకానికి పాల్పడ్డట్టు అనుమానిస్తున్నారు.