ఆయేషా హత్య కేసు తీర్పు మధ్యాహ్నానికి వాయిదా వేసిన కోర్టు

విజయవాడ: ఆయేషా హత్య కేసులో సత్యంబాబుని విజయవాడ మహిళా సెషన్సు కోర్టు దోషిగా తేల్చింది. అనంతరం తీర్పును మధ్యాహ్నానికి వాయిదా వేశారు. జడ్జి తన తీర్పును మధ్యహ్నం రెండు, మూడు గంటల ప్రాంతంలో వెలువరించవచ్చు. కేసు తీర్పు సత్యంబాబు దోషి అనడానికి అన్ని ఆధారాలు ఉన్నట్టు జడ్జి చెప్పారు. నీవు దోషివని తేలింది. నీకు ఏ శిక్ష కావాలని జడ్జి కూడా బోనులో ఉన్న సత్యంబాబును ప్రశ్నించటం జరిగింది. దానికి సత్యంబాబు తను దోషినని తేలితే మరణ శిక్ష విధించండని ఆన్నాడు.

తల్లి, చెల్లి తనపైనే ఆధారపడి ఉన్నారని వారికి ఉపాధి కల్పించి న్యాయం చేయాల్సిందిగా ఈ సందర్భంగా జడ్జిని సత్యంబాబు కోరాడు. అయేషా హత్య కేసులో 49 మంది సాక్షులను కోర్టు విచారించింది. పోలీసులు ఈ కేసులో 16 పేజీల చార్జిషీట్ దాఖలు చేసింది. సత్యంబాబు అనాసాగారానికి చెందినవాడు. అయేషా తల్లిదండ్రులు ప్రాసిక్యూషన్ కు వ్యతిరేకంగా సాక్ష్యం చెప్పారు.