సచివాలయ ముట్టడి: బిఇడి అభ్యర్థులపై లాఠీచార్జీ, అరెస్టులు

హైదరాబాద్‌: డీఎస్సీ 2008 నోటిఫికేషన్‌ ప్రకారమే నియామకాలు చేపట్టాలంటూ బీఈడీ అభ్యర్థులు చేస్తున్న ఆందోళన కొనసాగుతోంది. శనివారం బీఈడీ అభ్యర్థులు సచివాలయం ముట్టడికి యత్నించారు. వారిపై పోలీసులు లాఠీ చార్జీ చేశారు. అడ్డుకున్న పోలీసులు పలువురిని అరెస్టు చేశారు. అభ్యర్థుల ఆందోళన నేపథ్యంలో సచివాలయం పరిసర ప్రాంతాల్లో ట్రాఫిక్‌ స్తంభించింది. బిఇడి అభ్యర్థులు నాలుగు వైపుల నుంచి సచివాలయాన్ని ముట్టిడించారు. దీంతో తీవ్ర ఉద్రిక్తత నెలకొంది.

కాగా, గాంధీ ఆస్పత్రిలో బిఇడి అభ్యర్థులు ఐదుగురు నిరాహార దీక్షను కొనసాగిస్తున్నారు. గత ఐదు రోజులుగా వారి దీక్ష కొనసాగుతోంది. వారి ఆరోగ్యం క్షీణిస్తోందని వైద్యులు అంటున్నారు. ముగ్గురి పరిస్థితి ఆందోళనకరంగా ఉందని చెప్పారు. బిఇడి అభ్యర్థులు ర్యాలీగా సచివాలయానికి వచ్చారు. వారికి ఉద్యోగాలు ఇచ్చే జీవో తయారైందని మంత్రి చెబుతున్నారు. తమకు ఉద్యోగాలు ఇచ్చే వరకు దీక్ష విరమించేది లేదని బిఇడి అభ్యర్థులంటున్నారు.