డిఎల్ వ్యాఖ్యతో బెదిరిన చంద్రబాబు: సిబిఐ విచారణకు డిమాండ్

హైదరాబాద్: కాంగ్రెసు సీనియర్ శాసనసభ్యుడు డిఎల్ రవీంద్రా రెడ్డి వ్యాఖ్యలకు తెలుగుదేశం పార్టీ అధ్యక్షుడు నారా చంద్రబాబు నాయుడు దిగివచ్చినట్లే కనిపిస్తోంది. ఎమ్మార్ ప్రాపర్టీస్ వ్యవహారంపై చంద్రబాబు సిబిఐ విచారణకు చంద్రబాబు డిమాండ్ చేయడం లేదని, దానివల్ల చంద్రబాబుపై కూడా అనుమానాలు కలుగుతున్నాయని రవీంద్రారెడ్డి అన్నారు. దీంతో ఎమ్మార్ ప్రాపర్టీస్ వ్యవహారంపై సిబిఐ విచారణ జరిపించాలని కోరుతూ చంద్రబాబు గురువారం ముఖ్యమంత్రి కె. రోశయ్యకు లేఖ రాశారు.

తెలుగు దేశం పార్టీ అధ్యక్షుడు చంద్రబాబునాయుడు ముఖ్యమంత్రి రోశయ్యకు మరో లేఖ రాశారు. ఎమ్మార్ కుంభకోణంపై వెంటనే సిబిఐ విచారణ జరిపించాలని ఆయన తన లేఖలో ముఖ్యమంత్రిని కోరారు. ఎమ్మార్ కుంభకోణంలో కాంగ్రెస్ వారి హస్తం ఉందనే విషయం ప్రజలకు, ప్రభుత్వానికి తెలుసునన్నారు. వెంటనే విచారణ జరిపి వారిపై చర్య తీసుకోవాల్సిన బాధ్యత రోశయ్య ప్రభుత్వంపై ఉందన్నారు. లేకుంటే ప్రజలు రోశయ్యకు ఇందులో భాగస్వామ్యం ఉందని భావించవలసి వస్తుందన్నారు.

ఆదివాసీల కోసం అభ్యన్నతికి, వారి హక్కులకోసం పోరాడిన అదిలాబాద్ జిల్లా యోధుడు కొమురం భీం విగ్రహాన్ని వెంటనే ఏర్పాటు చేయాలన్నారు. ఆయన విగ్రహాన్ని ఏర్పాటు చేయకుంటే తెలుగు దేశం పార్టీ ఆధ్వర్యంలో తీవ్ర ఆందోళనకు సిద్ధమవుతామని హెచ్చరించారు.