టీఆర్ఎస్, కాంగ్రెసు పార్టీలో లో ఓ భాగం: ఎర్రన్నాయుడు

హైదరాబాద్: కె చంద్రశేఖరరావు స్థాపించిన తెలంగాణ రాష్ట్ర సమితి పార్టీ కాంగ్రెసు లో ఓ భాగంగానే తెలుగుదేశం పార్టీ అభిప్రాయపడుతోందని ఆ పార్టీ సీనియర్ నాయకుడు కింజారపు ఎర్రన్నాయుడు సోమవారం విలేకరుల సమావేశంలో పేర్కొన్నారు. కెసిఆర్ ప్రకటించే ప్రతి నిర్ణయం కూడా ఢిల్లీలో ఉన్న కాంగ్రెసు పార్టీ అధిష్టనం అండతోనే వెలువడుతుందన్నారు. అధిష్టానం అనుమతి లేకుండా ఆయన ఏం మాట్లాడడని వ్యాఖ్యానించారు.

రాష్ట్రం రావణకాష్టంలా మారుతున్న కాంగ్రెసు అధిష్టనం, రాష్ట్ర ప్రభుత్వం మౌనంగా ఉంటున్నాయన్నారు. ప్రభుత్వం ఎస్ఐ పరీక్షలు నిర్వహించకపోవడాన్ని ఆయన తప్పుబట్టారు. విద్యార్థుల జీవితాలతో ప్రభుత్వం ఆడుకుంటుందన్నారు. ఎస్ఐ పరీక్షల నిర్వహణకు ప్రభుత్వం వెంటనే నిర్ణయి తీసుకోవాలన్నారు. లేదంటే తదనంతరం జరిగే పరిణామాలకు ప్రభుత్వమే బాధ్యత వహించాల్సి ఉంటుందన్నారు.