ముఖ్యమంత్రి రోశయ్య కొనసాగుతారు: జెసి దివాకర్ రెడ్డి

హైదరాబాద్: ముఖ్యమంత్రిగా కె. రోశయ్య కొనసాగుతారని కాంగ్రెసు సీనియర్ శానససభ్యుడు జెసి దివాకర్ రెడ్డి స్పష్టం చేశారు. రోశయ్య విషయంలో మీరు ఆశించిందేమీ జరగదని, మీరేమీ ఆశలు పెట్టుకోవద్దని ఆయన మంగళవారం మీడియా ప్రతినిధులతో అన్నారు. తమ పార్టీ అధ్యక్షురాలు సోనియా గాంధీపై విమర్శలు సరైంది కాదని ఆయన అన్నారు. తెలుగుదేశం పార్టీ అధ్యక్షుడు నారా చంద్రబాబునాయుడిపై ఆయన తీవ్ర వ్యాఖ్యలు చేశారు.

చంద్రబాబు అవినీతిపై మాట్లాడడం దెయ్యాలు వేదాలు వల్లించినట్లుగా ఉందని ఆయన అన్నారు. దర్యాప్తులు చేస్తే చంద్రబాబుతో పాటు మరింత మంది బాగోతాలు బయటపడతాయని ఆయన అన్నారు. సొల్లు మాటలు ప్రతి ఒక్కరూ మాట్లాడేవారేనని, మీలో ఎవరైనా కన్ను తెరిస్తే ఎవరెవరు బయటపడతారో తెలియదా అని ఆయన అన్నారు.