ఢిల్లీలో సాఫ్ట్ వేర్ ఇంజనీర్ ను హత్య చేసిన కారు దొంగలు

న్యూఢిల్లీ: ఓ సాఫ్ట్ వేర్ ఇంజనీర్ ఢిల్లీలో ఆదివారం రాత్రి హత్యకు గురయ్యాడు. ప్రతీక్ ట్రిఖా అనే సాఫ్ట్ వేర్ ఇంజనీర్ ను దొంగలు హత్య చేసి అతని సిటీ హోండా కారును, మొబైల్ ఫోన్ ను ఎత్తుకెళ్లారు. ఓ పెళ్లికి హాజరై తిరిగి వస్తుండగా దొంగలు కారును అడ్డగించి ఆ దారుణానికి పాల్పడ్డారు. కొద్ది సేపట్లో తన ఇంటికి చేరుకుంటాడనగా ప్రతీక్ హత్యకు గురయ్యాడు. తుపాకి గురిపెట్టి దొంగలు ప్రతీక్ ను కారు తాళం చేతులు డిమాండ్ చేసి ఉంటారని, అతను నిరాకరించడంతో కాల్పులు జరిపి హత్య చేసి కారును ఎత్తుకెళ్లి ఉంటారని పోలీసులు చెబుతున్నారు.

కాల్పులు జరిపి ప్రతీక్ ను దొంగలు కారు నుంచి తోసేశారు. అతను తాను ఉంటున్న రాజ్ నగర్ లోని కాలని ప్రధాన గేటు వరకు నడుచుకుంటూ వెళ్లాడు. గార్డు అతని తల్లిదండ్రులను పిలిచారు. ప్రతీక్ ను మహారాజా అగ్రసేన్ ఆస్పత్రిలో చేర్చారు. బుల్లెట్ ఊపిరితిత్తుల నుంచి దూసుకెళ్లి వెన్నెముకను తాకింది. దీంతో ప్రతీక్ చికిత్స పొందుతూ మరణించాడు. మోటార్, బుల్లెట్ షెల్స్ ను పోలీసులు సంఘటనా స్థలంలో స్వాధీనం చేసుకున్నారు.