మద్దెలచెర్వు సూరి హత్యపై దర్యాఫ్తు ప్రారంభించాం: హోంమంత్రి సబిత

హైదరాబాద్: మద్దెలచెర్వు సూరి హత్య కేసుపై విచారణ ప్రారంభమైందని హోంమంత్రి సబితా ఇంద్రారెడ్డి ఓ టీవీ ఛానల్‌కు ఇచ్చిన ఇంటర్వ్యూలో మంగళవారం పేర్కొన్నారు. సూరి మరణవార్త తెలిసినప్పటినుండే దర్యాఫ్తును ప్రారంభించామని చెప్పారు. హత్య కేసులో ఉన్న దోషులను ఖచ్చితంగా శిక్షిస్తామని ఆమె అన్నారు.

ప్రత్యేక పోలీసు బృందాలు రంగంలోకి దిగాయని చెప్పారు. నేరానికి పాల్పడ్డ వారిపై చట్టపరంగా చర్యలు ఉంటాయన్నారు. సూరి హత్య నేపథ్యంలో అనంతపురం ప్రజలు సంయమనం పాటించాలని ఆమె వారికి విజ్ఞప్తి చేశారు. అనంతపురంలో ఎలాంటి ఉద్రిక్తలు చెలరేగకుంటా చర్యలు తీసుకున్నామన్నారు.