నీరా రాడియా టేపులపై కేంద్ర ప్రభుత్వానికి సుప్రీంకోర్టు నోటీసు

న్యూఢిల్లీ: కార్పొరేట్ లాబీయిస్టు నీరా రాడియా టేపులను బయటపెట్టాలని కోరుతూ దాఖలైన ప్రజాప్రయోజనాల వ్యాజ్యం (పిల్)పై సుప్రీంకోర్టు సోమవారం కేంద్ర ప్రభుత్వానికి నోటీసు జారీ చేసింది. పూర్తి ప్రైవేట్ సంభాషణలను మినహాయిస్తూ ప్రభుత్వ సంస్తలు నీరా రాడియా సంభాషణలను రికార్డు చేశాయి.

టేపులను గోప్యంగా ఉంచడం 2జి స్పెక్ట్రమ్ కేటాయింపుల్లో జరిగిన అక్రమాలు జాతి తెలుసుకోకుండా జరిగిన కుట్రను దాచి పెట్టడమే అవుతుందని పిటిషనర్ అన్నారు. కేసు విచారణను సుప్రీంకోర్టు ఫిబ్రవరి 2వ తేదీకి వాయిదా వేసింది. విభిన్నమైన వ్యక్తులతో రాడియా 4,800 సంభాషణలు జరిపినట్లు పిటిషనర్ చెప్పారు.