సిఎం కిరణ్ కుమార్ రెడ్డితో వైయస్ జగన్ వర్గం ఎమ్మెల్యేల భేటీ

By Pratap

Published: Wednesday, May 25, 2011, 18:08 [IST]

హైదరాబాద్‌: ముఖ్యమంత్రి కిరణ్ కుమార్ రెడ్డి వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి వర్గానికి చెందిన శాసనసభ్యులు బుధవారం ముఖ్యమంత్రి కిరణ్ కుమార్ రెడ్డితో సమావేశమయ్యారు. కేంద్ర మంత్రి సాయి ప్రతాప్‌తో కలిసి వారు ముఖ్యమంత్రి వద్దకు వచ్చారు. శాసనసభ్యులు శ్రీకాంత్ రెడ్డి, అమర్నాథ్ రెడ్డి ముఖ్యమంత్రిని కలిశారు. వీరిద్దరు కూడా మొదటి నుంచి వైయస్ జగన్‌కు పూర్తి మద్దతు ప్రకటిస్తున్నారు. తన నియోజకవర్గం సమస్యలపైనే తాను ముఖ్యమంత్రిని కలిసినట్లు శ్రీకాంత్ రెడ్డి చెప్పారు.

ముఖ్యమంత్రితో భేటీ తర్వాత సాయి ప్రతాప్ మీడియా ప్రతినిధులతో మాట్లాడారు. వెలుగోడు ప్రాజెక్టు నుంచి చిత్తూరు, కడప జిల్లాలకు సాగు నీరు అందించాలని తాము ముఖ్యమంత్రిని కోరినట్లు ఆయన తెలిపారు. నియోజక వర్గం సమస్యలను ముఖ్యమంత్రికి వివరించామని ఆయన అన్నారు.

Published On May 25, 2011