యువకుడిని బలిగొన్న క్రికెట్ బెట్టింగ్: బిటెక్ విద్యార్థి ఆత్మహత్య!

By Srinivas

Published: Thursday, June 23, 2011, 13:58 [IST]

రాజమండ్రి/మహబూబ్‌నగర్: క్రికెట్ బెట్టింగ్‌లు ఓ యువకుడి ప్రాణం తీసినట్లుగా తెలుస్తోంది. బూకీల వేధింపులు తట్టుకోలేక ఓ వ్యక్తి ఆత్మహత్య చేసుకున్న సంఘటన తూర్పు గోదావరి జిల్లాలో గురువారం చోటు చేసుకుంది. విశాఖపట్నం జిల్లా పద్మనాభం మండలం రెడ్డిపల్లికి చెందిన మణికంఠ అనే విద్యార్థి గురువారం ఉదయం రాజమండ్రి రోడ్ కం రైల్వే బ్రిడ్జిపై నుంచి దూకి ఆత్మహత్య చేసుకున్నాడు. మణికంఠ బీటెక్ చదువుతున్నాడు. క్రికెట్ బుకీల వేధింపులు తట్టుకోలేకే మణికంఠ ఆత్మహత్య చేసుకున్నట్లు సమాచారం. అయితే పూర్తి వివరాలు తెలియాల్సి ఉంది

కాగా మహబూబ్‌నగర్ జిల్లాలోని చిన్నచింతకుంట మండలం ముచ్చింతల గ్రామానికి చెందిన భగవంత్ అనే వ్యక్తి కౌకుంట్ల రైల్వే స్టేషన్ సమీపంలో రైలు కింద పడి ఆత్మహత్య చేసుకున్నాడు. కార్పెంటర్‌గా పని చేసే భగవంత్ ఆత్మహత్యకు భువివాదాలే కారణమని తెలుస్తోంది. కాగా తిరుపతిలోని వడమాల్‌పేట మండలం వెంగళరాజు కండ్రిగ వద్ద జరిగిన రోడ్డు ప్రమాదంలో ఆరుగురు మరణించారు. పదిమంది గాయపడ్డారు. గాయపడిన వారిని హాస్పిటల్ తరలించారు. క్వాలిస్‌ను ఓ కంటైనర్ ఢీకొనడంతో ఈ ప్రమాదం జరిగింది.

Published On June 23, 2011