బొత్సకు ఆజాద్ ఝలక్: ఒంటరిగానే చిరు ఇంటికి

హైదరాబాద్: ప్రదేశ్ కాంగ్రెసు కమిటీ (పిసిసి) అధ్యక్షుడు బొత్స సత్యనారాయణకు పార్టీ ఆంధ్రప్రదేశ్ వ్యవహారాల ఇంచార్జీ గులాం నబీ ఆజాద్ ఝలక్ ఇచ్చారు. బొత్స సత్యనారాయణను వదిలేసి ఆయన ఒక్కరే ప్రజారాజ్యం పార్టీ అధ్యక్షుడు చిరంజీవి నివాసానికి వెళ్లారు. ఆజాద్ కోసం బొత్స సత్యనారాయణ పది నిమిషాల పాటు పార్టీ కార్యాలయం గాంధీభవన్ వద్ద నిరీక్షించారు. ఆజాద్ గాంధీభవన్‌కు రాకుండా చిరంజీవి ఇంటికి వెళ్లారని తెలుసుకుని బొత్స సత్యనారాయణ నిరుత్సాహానికి గురయ్యారు.

గాంధీభవన్‌కు వస్తానన్నారే, చిరంజీవి ఇంటికి వెళ్లారా అని బొత్స నొచ్చుకున్నారు. ఆజాద్ కోసం గాంధీ భవన్ వద్ద మంత్రులు కూడా నిరీక్షించారు. ఓ పార్లమెంటు సభ్యుడి విద్యాసంస్థలో జరిగిన కార్యక్రమంలో పాల్గొన్న అనంతరం ఆజాద్ చిరంజీవి నివాసానికి వెళ్లారు. ఆజాద్‌ను కలవడానికి మంత్రి టిజి వెంకటేష్ నేతృత్వంలో సీమాంధ్రకు చెందిన సీమాంధ్రవాదులు సిద్ధపడ్డారు.

English summary

Congress AP affairs incharge Gulam Nabi Azad ignored PCC president Botsa Satyanarayana and went to Chiranjeevi's residence.