పద్మనాభ స్వామి ఆలయ సంపద రూ. 1 లక్ష కోట్లు

తిరువనంతపురం‌: కేరళ తిరువనంతపురంలోని శ్రీ పద్మనాభ స్వామి ఆలయ సంపద విలువ లక్ష కోట్ల రూపాయలకు మించింది. ఇది ప్రభుత్వ రుణం కన్నా ఎక్కువ. కేరళ ప్రభుత్వం అప్పులు రూ. 70 వేల 969 కోట్లు ఉన్నాయి. ఈ సంపద విలువ మరింత పెరగవచ్చుని భావిస్తున్నారు. ఆలయ నేలమాళిగల్లోంచి తవ్వుతున్న కొద్దీ సంపద వెలువడుతోంది. ఆ విలువ కేవలం ఊహా మాత్రమేనని, ప్రాచీన కళాఖండాల విలును కచ్చితంగా నిర్ణయించలేమని భారత చారిత్రక పరిశోధనా మండలి మాజీ డైరెక్టర్ ఎంజిఎస్ నారాయణన్ అన్నారు. వాటి విలువను వెల్లడించడానికి సుప్రీంకోర్టు నిర్ణయించిన కమిటీ వెల్లడించడానికి నిరాకరిస్తోంది.

సంపద అంతా ఆలయానికే ఉంటుందని కేరళ ముఖ్యమంత్రి ఊమెన్ చాందీ చెప్పారు. దాన్ని అక్కడే నిల్వ చేయనున్నట్లు ఆయన తెలిపారు. బయటకు వచ్చిన సంపదకు మతపరమైన, చారిత్రక ప్రత్యేకత ఉందని ఆయన అన్నారు. ఆరు నేల మాళిగల్లో ఆభరణాల ఖజానాలు బయపడ్డాయి. బయటపడిన సంపదలో 18 అడుగుల నెక్లెస్ కూడా ఉంది. 536 కిలోల బరువు గల బంగారం నాణేలు బయటపడ్డాయి. పజ్రాలు పొదిగిన ప్లేటు, వెండి, బంగార పాత్రలు, అద్భుత దీప సౌందర్యం, పోతపోసిన బంగారం వస్తువులు ఉన్నాయి. అత్యద్భుతమైన ప్రాచీన, సంప్రదాయ వస్తువులు బయటపడ్డాయి.

English summary

Call it the mother of all treasure hunts. The stock-taking by a panel of experts at the Sree Padmanabha Swamy temple has catapulted the shrine located here to the country's richest, with reports claiming that the value of recoveries may have touched close to Rs 1 lakh crore, more than Kerala public debt of Rs 70,969 crore.