దిగొచ్చిన సోనియా గాంధీ: మంత్రులకు ఢిల్లీ పిలుపు

By Pratap

Published: Monday, July 4, 2011, 9:53 [IST]

హైదరాబాద్‌: రాజీనామాలపై వెనక్కి తగ్గేది లేదని తెలంగాణ మంత్రులు, శాసనసభ్యులు ప్రకటించిన నేపథ్యంలో కాంగ్రెసు అధ్యక్షురాలు సోనియా గాంధీ దిగి వచ్చారు. ముగ్గురు సభ్యుల బృందాన్ని ఆమె ఢిల్లీకి రావాలని ఆదేశించారు. మంత్రులు కె. జానా రెడ్డి, సారయ్య, గీతా రెడ్డి వంటి పది మంది మంత్రులకు కాంగ్రెసు ఆంధ్రప్రదేశ్ వ్యవాహాల ఇంచార్జీ గులాం నబీ ఆజాద్, సోనియా రాజకీయ సలహాదారు అహ్మద్ పటేల్ ఫోన్ చేసి ఢిల్లీకి రావాలని సోనియా ఆదేశించినట్లు తెలుస్తోంది. దీనిపై సోమవారం ఉదయం జానా రెడ్డి నివాసంలో చర్చలు జరిగే అవకాశం ఉంది. స్పష్టమైన హామీ ఇస్తే తప్ప రాజీనామాల నుంచి వెనక్కి తగ్దేది లేదని కాంగ్రెసు తెలంగాణ ప్రాంత పార్లమెంటు సభ్యుడు పొన్నం ప్రభాకర్ చెప్పారు.

ఏ చర్చలైనా రాజీనామాలు చేసిన తర్వాతనే అని అంటున్నారు. రాజీనామాలు చేసిన తర్వాత మధ్యాహ్నం 12 గంటలకు జానా రెడ్డి, సారయ్య మరికొంత మంది ఢిల్లీకి బయలుదేరే అవకాశం ఉంది. ఇప్పుడు వెనక్కి పోతే ప్రజల్లో నమ్మకం పోతుందనే భయంతో కాంగ్రెసు మంత్రులు, శానససభ్యులు భావిస్తున్నారు. తమపై ప్రజల విశ్వాసాన్ని కోల్పోయే బదులు రాజీనామాలు చేయడమే మంచిదని వారు అనుకుంటున్నట్లు తెలుస్తోంది. రాజీనామాల నిర్ణయం నుంచి వెనక్కి తగ్గవద్దని ఓయు జెఎసి కాంగ్రెసు తెలంగాణ ప్రాంత ప్రజాప్రతినిధులను డిమాండ్ చేస్తోంది.

Published On July 4, 2011