బొత్స పిఏనంటూ పెళ్లిళ్లు చేసుకున్న దొంగ ఐఏఎస్

హైదరాబాద్: ప్రదేశ్ కాంగ్రెసు కమిటీ అధ్యక్షుడు బొత్స సత్యనారాయణ పిఏనని, తాను ఐఏఎస్‌నని చెప్పి చీటింగ్ చేసి పెళ్లిళ్లు చేసుకున్న ఓ దొంగ మొగుడిని పోలీసులు అదుపులోకి తీసుకున్నారు. కృష్ణా జిల్లా కూచిపూడి పరిసర గ్రామానికి చెందిన హేమలతకు తాను బొత్స పిఏనంటూ చెప్పి మధ్యవర్తి సహాయంతో నాలుగు నెలల క్రితం పెళ్లి చేసుకున్నాడు. ఆ తర్వాత హైదరాబాదులోని కృష్ణా నగర్‌లో కాపురం పెట్టాడు. రెండు నెలలు హేమలతను బాగానే చూసుకున్న మహేష్ ఆ తర్వాత ఆమెను చిత్రహింసలకు గురి చేయడం ప్రారంభించాడు. రోజు తాగి వచ్చి కొట్టేవాడు. అర్ధరాత్రులలో అమ్మాయిలతో ఫోన్లలో మాట్లాడటం వంటివి చేసేవాడంట.

తల్లిదండ్రులతో మాట్లాడటానికి కనీసం సెల్ ఫోన్ కూడా ఉంచకుండా బయటి వారితో హేమలతకు పూర్తిగా సంబంధాలు లేకుండా చేసే వాడట. ఇదే సమయంలో ఓ స్నేహితురాలి ద్వారా తనను మహేష్ మూడో పెళ్లి చేసుకున్నాడని ఇద్దరు భార్యల్లో ఒకరు విజయవాడలో ఉంటారని తెలుసుకుంది. దీంతో ఇంటి ఓనరు సహాయంతో బంజారాహిల్సు పోలీసు స్టేషన్‌లో హేమలత తన భర్తపై ఫిర్యాదు చేసింది. పోలీసులు అదుపులోకి తీసుకొని విచారిస్తున్నారు.

English summary

A man married a woman with cheating. He cheated her with he is Botsa Satyanarayana PA.