జగన్ ఆవిష్కరించిన వైయస్ విగ్రహాలపై వరుస దాడులు!

కర్నూలు: దివంగత ముఖ్యమంత్రి వైయస్ రాజశేఖర రెడ్డి విగ్రహాలపై కర్నూలు జిల్లాలో వరుస దాడులు జరుగుతున్నాయి. ఓదార్పు యాత్రలో భాగంగా గతంలో వైయస్సార్సీ పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి ఆవిష్కరించిన పలు వైయస్సార్ విగ్రహాలను గుర్తు తెలియని వ్యక్తులు ధ్వంసం చేస్తున్నారు. దీంతో వైయస్సార్ కాంగ్రెసు పార్టీ నేతలు స్థానిక పోలీసుల దృష్టికి ఈ విషయాన్ని తీసుకు వెళుతున్నారు.

కర్నూలు జిల్లాలోని నందికొట్కూరు, గార్లపల్లి, వైయస్సార్ కాంగ్రెసు పార్టీ జిల్లా అధ్యక్షుడు అయిన బ్రాహ్మణ కొట్కూరు తదితర గ్రామాల్లో వైయస్ విగ్రహాలను గుర్తు తెలియని వ్యక్తులు ధ్వంసం చేస్తున్నారు. తమ నేత విగ్రహాన్ని ధ్వంసం చేస్తున్న వారిపై చర్యలు తీసుకోవాలని వైయస్సార్ కాంగ్రెసు పార్టీ కార్యకర్తలు పోలీసులను ఆశ్రయిస్తున్నారు.

English summary

Unknown people attacked on late YS Rajasekhar Reddy statues in Kurnool distict.