పిఎస్ఎల్వీ-సి18 ప్రయోగం విజయవంతం, కక్ష్యలోకి మేఘా

By Srinivas

Published: Wednesday, October 12, 2011, 12:02 [IST]

నెల్లూరు: ఇస్రో - ఫ్రెంచ్ స్పేస్ ఏజెన్సీలు సంయుక్తంగా ప్రయోగించిన పిఎస్‌ఎల్వీ-సి 18 ప్రయోగం విజయవంతమైంది. పిఎస్‌ఎల్వీ-సి18 మేఘ - ట్రాఫిక్ ఉపగ్రహాన్ని నిర్ణీత సమయంలో కక్ష్యలోకి ప్రవేశ పెట్టింది. మేఘ ఉపగ్రహం వాతావరణం, రుతుపవనాల అధ్యయనం కోసం మేఘాను ప్రయోగించారు. దీనిని శ్రీ పొట్టి శ్రీరాములు నెల్లూరు జిల్లాలోని షార్ అంతరిక్ష కేంద్రం నుండి ప్రయోగించారు. మేఘాతో పాటు ఎస్సార్ఎంశాట్, జుగ్ను, చెప్పల్ శాట్-1 అనే మూడు నానో ఉపగ్రహాలను కూడా వాహన నౌక కక్ష్యలోకి ప్రవేశ పెట్టింది. పిఎస్‌ఎల్వీ-సి18 విజయవంతం కావడంతో ఇస్రో శాస్త్రవేత్తలు సంబరాలు చేసుకున్నారు.

సమష్టి కృషితో ప్రయోగం విజయవంతమైందని ఇస్రో చైర్మన్ రాధాకృష్ణ అన్నారు. రాష్ట్రపతి ప్రతిభా పాటిల్, ప్రధాని మన్మోహన్ సింగ్ ఇస్రో శాస్త్రవేత్తలకు అభినందనలు తెలిపారు. కాగా పిఎస్‌ఎల్వీ బరువు 1000 కిలోలు. దీని ఖర్చు రూ.390 కోట్లు. 24 నిమిషాల నిర్ణీత వ్యవధిలో వాహన నౌక నాలుగు ఉపగ్రహాలను నిర్ణీత కక్ష్యలోకి ప్రవేశ పెట్టింది.

Published On October 12, 2011