సిబిఐ ముందు హాజరయ్యేందుకు సిద్దమౌతున్న జగన్

By Srinivas

Published: Thursday, November 3, 2011, 14:20 [IST]

హైదరాబాద్: వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి సెంట్రల్ బ్యూరో ఆఫ్ ఇన్వెస్టిగేషన్(సిబిఐ) అధికారుల ముందు హాజరయ్యేందుకు సిద్ధమవుతున్నారు. కర్నాటక మాజీ మంత్రి, భారతీయ జనతా పార్టీ సీనియర్ నేత గాలి జనార్ధన్ రెడ్డికి చెందిన అక్రమ గనుల వ్యవహారం కేసులో జగన్‌కు సిబిఐ అధికారులు బుధవారం తాఖీదులు ఇచ్చిన విషయం తెలిసిందే. గుంటూరు జిల్లాలో మొదటి విడత ఓదార్పు పూర్తి కాగానే గురువారం జగన్ నేరుగా హైదరాబాద్ వచ్చారు. న్యాయ సలహాదారులతో చర్చలు జరిపినట్లుగా తెలుస్తోంది.

జగన్‌కు నోటీసులు ఇచ్చిన సిబిఐ అధికారులు ఇప్పటికే జగన్‌కు వేయాల్సిన ప్రశ్నావళిని తయారు చేసుకున్నారని సమాచారం. గాలితో జగన్‌కు ఉన్న పరిచయం, ఆయనతో కలిసి చేసిన వ్యాపారాలు, గాలి కంపెనీల్లో పెట్టుబడులు పెట్టిన రెడ్ గోల్డ్, ఆర్ ఆర్ గ్లోబల్ సంస్థలు ఇతని కంపెనీలో ఎలా, ఎందుకు పెట్టుబడులు పెట్టాయని, ఒకే అడ్రస్ ఉండటం తదితర అంశాలపై జగన్ నుండి సిబిఐ అధికారులు సమాధానాలు రాబట్టనున్నారు.

Published On November 3, 2011