కోమటిరెడ్డి కాంగ్రెసువాదినని చెప్పమన్నారు: షబ్బీర్

By Srinivas

Published: Sunday, November 6, 2011, 13:13 [IST]

హైదరాబాద్: తాను కాంగ్రెసుకు వ్యతిరేకం కాదని తనపై ఉద్దేశ్య పూర్వకంగా కొంత అసత్య ప్రచారం జరుగుతోందని తాను పూర్తి కాంగ్రెసు వాదనని ఈ విషయాన్ని అధిష్టానానికి చెప్పమని మాజీ మంత్రి కోమటిరెడ్డి వెంకట్ రెడ్డి తమకు చెప్పారని మాజీ మంత్రి షబ్బీర్ అలీ ఆదివారం అన్నారు. షబ్బీర్, నిజామాబాద్ పార్లమెంటు సభ్యుడు మధుయాష్కీ నిమ్స్‌లో ఉన్న కోమటిరెడ్డిని ఉదయం పరామర్శించారు. అనంతరం వారు మీడియాతో మాట్లాడారు. కోమటిరెడ్డికి వైద్యులు చికిత్స అందిస్తున్నారన్నారు. తెలంగాణపై అధిష్టానం సీరియస్‌గా ఆలోచిస్తుందని షబ్బీర్ అన్నారు. తెలంగాణ కోసం మరోసారి ఢిల్లీ వెళదామని కోమటిరెడ్డికి సూచించినట్లు చెప్పారు. తమ పోరాటం తెలంగాణ కోసం కానీ అధిష్టానంపై కాదన్నారు.

ప్రభుత్వానికి దమ్ముంటే తనపై పిడి యాక్డు పెట్టాలని మధుయాష్కీ హెచ్చరించారు. ఉద్యమంలో పాల్గొంటున్న అమాయకులైన ఉద్యమకారులపై ప్రభుత్వం కక్ష్య సాధింపులకు దిగవద్దని హెచ్చరించారు. అక్రమ కేసులు పెడితే ఉద్యమ రూపం మారుతుందన్నారు. ఉద్యమాన్ని అణిచి వేసేందుకే అక్రమ కేసులు బనాయిస్తున్నారన్నారు. ఉద్యమకారులపై పిడి యాక్టు పెట్టడంపై ముఖ్యమంత్రి కిరణ్ కుమార్ రెడ్డిని కలిసి ఫిర్యాదు చేస్తామన్నారు.

Published On November 6, 2011