ఎపిలో హత్య: ఆరేళ్లకు కర్ణాటక పోలీసులు విప్పిన చిక్కు

బెంగళూరు: ఆరేళ్ల క్రితం ఆంధ్రప్రదేశ్‌లో జరిగిన ఓ హత్య కేసు మిస్టరీని కర్ణాటక పోలీసులు ఛేదించారు. ఆంధ్రప్రదేశ్‌లోని చిత్తూరు జిల్లాలో తవనంపల్లి పరిధిలో ఆ హత్య జరిగింది. 2005 జనవరిలో తుంబకొప్పం, మఠం గ్రామాల మధ్య గల అటవీ ప్రాంతంలో ఓ గుర్తు తెలియని వ్యక్తి హత్యకు గురయ్యాడు. కత్తితో పొడిచి చంపి, ఆ తర్వాత మృతదేహాన్ని గుర్తు పట్టరానంతగా కాల్చి వేశారు. హతుడిని గుర్తించలేని ఆంధ్రప్రదేశ్ పోలీసులు కేసును పరిష్కరించలేమని కోర్టుకు తెలిపారు.

కాగా, కర్ణాటకకు చెందిన కేంద్ర నేర విభాగం (సిసిబి) పోలీసులు తమకు లభించిన సమాచారం మేరకు నిందితుడిని పట్టుకోగలిగారు. నూర్ నగర్‌కు చెందిన అతన్ని 38 ఏళ్ల సయ్యద్ జియావుల్లా అలియాస్ బాబుగా గుర్తించారు. సయ్యద్ నేరాన్ని అంగీకరించాడు. హత్యకు గురైన వ్యక్తిని కోలార్‌కు చెందిన ప్యారే జాన్‌గా గుర్తించారు.

కోలార్‌కు చెందిన సయ్యద్ మామిడి పండ్ల వ్యాపారి. అతనికి పెళ్లయి ఇద్దరు కుమారులున్నారు. ప్లాస్టిక్ వ్యాపారి ప్యారే జాన్‌తో అతనికి పరిచయం ఉంది. ఆ పరిచయంతో అతను ప్యారే జాన్ భార్య రేష్మాకు దగ్గరయ్యాడు. వీరిద్దరి మధ్య సంబంధం ప్యారేకు తెలుసు. దీంతో ప్యారే జాన్ సయ్యద్‌ను బ్లాక్ మెయిల్ చేస్తూ వచ్చాడు.

English summary

The sleuths of the Central Crime Branch claim to have solved a six-year-old murder case that was reported at Thavanampalli police limits in Chittoor district of Andhra Pradesh.