రామోజీ రావుతో బాబు నాటకం ఆడిస్తున్నారు: గట్టు

By Srinivas

Published: Monday, November 21, 2011, 14:11 [IST]

హైదరాబాద్: ఈనాడు సంస్థల అధినేత రామోజీ రావు, తన మిగిలిన బినామీలతో తెలుగుదేశం పార్టీ అధినేత నారా చంద్రబాబు నాయుడు నాటకమాడిస్తున్నారని వైయస్సార్ కాంగ్రెసు పార్టీ నేత గట్టు రామచంద్రా రావు సోమవారం ధ్వజమెత్తారు. వైయస్ విజయమ్మ పిటిషన్ నేపథ్యంలో హైకోర్టు తీర్పుపై సుప్రీం కోర్టుకు సిఎం రమేష్, నామా, రామోజీ రావులు వెళ్లడం బాబు కనుసన్నుల్లోనే జరిగిందన్నారు. బాబు వెనుక ఉండి వారిని నడిపిస్తున్నారని విమర్శించారు. చంద్రబాబు న్యూఢిల్లీలో ఎన్డీయే కన్వీనర్‌ను కలవడం వెనుక ఉద్దేశ్యమేమిటో చెప్పాలన్నారు.

బిజెపిని ఉపయోగించుకొని కాంగ్రెసును బ్లాక్ మెయిల్ చేయాలని బాబు ప్రయత్నిస్తున్నారన్నారు. హైకోర్టు తీర్పుపై సుప్రీం కోర్టుకు వెళ్లడం పిరికి పందల చర్య అని ఎమ్మెల్సీ జూపూడి ప్రభాకర్ రావు చంద్రబాబును ఉద్దేశించి అన్నారు. టిడిపి ఎప్పటికైనా సిబిఐ దర్యాఫ్తు ఎదుర్కోవాల్సి వస్తుందన్నారు. హైకోర్టు తీర్పుపై తాను సుప్రీంకు వెళ్లనని చెప్పిన బాబు తన బినామీలతో వెళ్లారన్నారు.

Published On November 21, 2011