మూడురోజులు సిబిఐ కస్టడీకి శ్రీలక్ష్మి, 12వరకు రిమాండ్

హైదరాబాద్: కర్నాటక మాజీ మంత్రి గాలి జనార్ధన్ రెడ్డి ఓబుళాపురం మైనింగ్ కంపెనీ అక్రమాల కేసులో అరెస్టైన ఐఏఎస్ అధికారిణి శ్రీలక్ష్మిని మూడు రోజులు సిబిఐ కస్టడీకి అప్పగిస్తూ ప్రత్యేక కోర్టు మంగళవారం తీర్పునిచ్చింది. ఆ తర్వాత డిసెంబర్ 12వ తేది వరకు ఆమెను జ్యూడిషియల్ రిమాండ్‌కు తరలించాలని చెప్పింది. సోమవారం శ్రీలక్ష్మిని సిబిఐ అరెస్టు చేసిన విషయం తెలిసిందే. ఆమెను మంగళవారం ఉదయం నాంపల్లి సిబిఐ ప్రత్యేక కోర్టులో హాజరు పర్చారు. ఇరువర్గాల వాదోపవాదాల అనంతరం మూడు రోజులు సిబిఐ కస్టడీ, 12 వరకు రిమాండ్ విధిస్తూ కోర్టు తీర్పు చెప్పింది.

శ్రీలక్ష్మి ఓఎంసి కేసులో గాలికి ఫేవర్‌గా వ్యవహరించినట్లు తమకు ఆధారాలు దొరికాయని సిబిఐ కోర్టులో తెలిపింది. ఓఎంసి కుట్రదారులు ఎవరో శ్రీలక్ష్మి నుండి తెలుసుకోవాల్సిన అవసరముందని సిబిఐ తెలిపింది. కస్టడీ అనంతరం డిసెంబర్ 1వ తేది సాయంత్రం మళ్లీ ఆమెను కోర్టులో హాజరు పర్చాలని సిబిఐని కోర్టు ఆదేశించింది. కాగా శ్రీలక్ష్మిని పదిహేను రోజులు తమ కస్టడీకి ఇవ్వాలని సిబిఐ కోరింది.

English summary

CBI special court gave permission to cbi for IAS officer Srilaxmi three days custody.