కల్తీ మద్యానికి ముగ్గురు బలి, ఆస్పత్రిలో 8 మంది

కాకినాడ: పండుగ పూట తూర్పు గోదావరి జిల్లాలో విషాదం చోటు చేసుకుంది. కల్తీ మద్యం సేవించి ముగ్గురు మరణించారు. కృష్ణా జిల్లా మైలవరం ఘటన మరిచిపోక ముందే ఈ సంఘటన చోటు చేసుకుంది. తూర్పు గోదావరి జిల్లా గొల్లప్రోలు మండలం కొడవలి గ్రామంలో ఈ సంఘటన చోటు చేసుకుంది. కల్తీ మద్యం సేవించి అస్వస్థతకు గురైన ఎనిమిది మంది కాకినాడ ఆస్పత్రిలో చికిత్స పొందుతున్నారు. వారి పరిస్థితి ఆందోళనకరంగా ఉంది.

మద్యంలో బొట్టు నాగేశ్వర రావు అనే వ్యక్తి విషపు గుళికలు కలిపినట్లు ఆరోపిస్తున్నారు. అతన్ని పోలీసులు అదుపులోకి తీసుకుని ప్రశ్నిస్తున్నారు. మద్యంలో విషపు గుళికలు కలపడానికి గల కారణమేమిటి, దాని వెనక ఎవరైనా ఉన్నారా అనే విషయాలపై పోలీసులు దృష్టి పెట్టినట్లు సమాచారం. ఇటీవల కల్తీ మద్యం సేవించడం కారణంగా రాష్ట్రంలో అక్కడక్కడా మరణాలు సంభవిస్తూనే ఉన్నాయి.

English summary

Three persons killed in a hooch tragedy at Kodavali village of East Godavari district.