• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఆ ఖలేజా చాలామందిలో అరుదుగా ఉంటుంది: జగన్

By Srinivas
|

YS Jagan
విశాఖపట్నం: రాష్ట్రంలో ఏ ఒక్కరూ ఈ ప్రభుత్వం కొనసాగాలని కోరుకోవడం లేదని వైయస్సార్ కాంగ్రెసు పార్టీ అధినేత, కడప ఎంపీ వైయస్ జగన్మోహన్ రెడ్డి సోమవారం తన విశాఖ జిల్లా పర్యటనలో అన్నారు. సర్కారు ఎప్పుడు బంగాళాఖాతంలో పడిపోతుందా అని వెయ్యి కళ్లతో ఎదురు చూస్తున్నారన్నారు. దివంగత ముఖ్యమంత్రి వైయస్ రాజశేఖర రెడ్డి ప్రజా సమస్యలు పట్టించుకున్నారని, ఆయన తర్వాత పట్టించుకున్న నాథుడే లేడన్నారు. వైయస్ కంటే ముందు ఎందరో ముఖ్యమంత్రులు ఉన్నా ఆయనలా ఆలోచించిన వారు లేరన్నారు. వైయస్ ఉన్నప్పుడు కాలువల్లో నీళ్లు ఉంటే ఇప్పుడు రైతు కళ్లల్లో నీళ్లు కనబడుతున్నాయన్నారు. పంటకు గిట్టుబాటు ధర లేక రైతులు అల్లాడుతున్నారన్నారు. రైతన్నలపై ప్రభుత్వానికి ఏమాత్రం సానుభూతి లేదన్నారు.

రాష్ట్రంలో విద్యార్థుల పరిస్థితి కూడా దారుణంగా ఉందన్నారు. సర్కారు డబ్బు కట్టలేక పోవడంతో విద్యార్థులు నష్టపోతున్నారన్నారు. ప్రజా సమస్యలు గాలికొదిలేసి ప్రతిపక్షం, అధికార పక్షం కుమ్మక్కై నీచ రాజకీయాలు చేస్తున్నాయన్నారు. టిడిపి అధినేత నారా చంద్రబాబు నాయుడు అవిశ్వాసం పెట్టింది తనను, తనకు మద్దతిస్తున్న ఎమ్మెల్యేలను ఇబ్బంది పెట్టేందుకేనన్నారు. తనకు మద్దతిచ్చిన ఎమ్మెల్యేల్లో పాయకరావుపేట ఎమ్మెల్యే బాబూరావు ఉన్నారన్నారు. బాబూరావు చూపిన ఖలేజా చాలామందిలో అరుదుగా ఉంటుందన్నారు. త్వరలో వచ్చే ఉప ఎన్నికల్లో కాంగ్రెసు, టిడిపిలు ఒక్కటయి రాజకీయాలు చేస్తాయని ఆరోపించారు. ప్రజలు, రైతులు, రైతు కూలీలు ఆలోచించి ఓటేయాలన్నారు.

English summary
YSR Congress Party chief YS Jaganmohan Reddy praised mlas, who was supported him at the time noconfidence motion.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X