• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

కెసిఆర్! ఖబడ్దార్, బుక్క ఫకీర్ వేషాలు వద్దు: ఎర్రబెల్లి

By Pratap
|

Errabelli Dayakar Rao
హైదరాబాద్: తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావుపై తెలుగుదేశం తెలంగాణ ఫోరం కన్వీనర్ ఎర్రబెల్లి దయాకర్ రావు తీవ్రంగా ధ్వజమెత్తారు. ఖబడ్దార్ అంటూ హెచ్చరించారు. కెసిఆర్ బుక్క ఫకీర్ వేషాలు మానుకోవాలని సూచించారు. అవినీతి ఆరోపణలు బయటపెట్టినందుకే కెసిఆర్ తమపై అక్కసు పెంచుకున్నారని ఆయన శనివారం మీడియా ప్రతినిధుల సమావేశంలో అన్నారు. పోలవరం టెండర్లను తాము రద్దు చేయించామనే కక్షతో తమపై విమర్శలు చేస్తున్నారని ఆయన అన్నారు. కెసిఆర్ బుద్ది తెచ్చుకుని పిచ్చి మాటలు మానుకోవాలని ఆయన అన్నారు. తెలంగాణకు 11 ఏళ్లుగా కెసిఆర్ ద్రోహం చేస్తూ వచ్చారని, ఇక కెసిఆర్ మోసాలు సాగవని ఆయన అన్నారు. తాము మహబూబ్‌నగర్, సిద్ధిపేట, కరీంనగర్ ఎక్కడైనా కెసిఆర్‌తో బహిరంగ చర్చకు సిద్ధంగా ఉన్నామని, కెసిఆర్ చెప్పిన చోటనే వేదికను ఏర్పాటు చేస్తామని ఆయన అన్నారు.

తెలంగాణను మోసం చేసిన కాంగ్రెసు అధ్యక్షురాలు సోనియా గాంధీని, ఆ పార్టీని కెసిఆర్ ఏ రోజు కూడా విమర్శించలేదని, పార్లమెంటులో తెలంగాణ గురించి మాట్లాడలేదని ఆయన విమర్శించారు. తెలంగాణ రాజకీయ జెఎసి చైర్మన్ కోదండరామ్‌పై కూడా ఆయన ధ్వజమెత్తారు. ప్రజలను మోసం చేయడం మానుకోవాలని, కెసిఆర్‌కు తొత్తుగా వ్యవహరించడం మానుకోవాలని ఆయన కోదండరామ్‌కు సూచించారు. తెలంగాణ కోసం కెసిఆర్ ఒక్క త్యాగమైనా చేశాడా అని ఆయన అడిగారు. తెలంగాణ వచ్చే వరకు ఎన్నికల్లో పోటీ చేయవద్దనే తమ సూచనకు అంగీకరించాలని ఆయన అన్నారు. తెలంగాణ పేరు చెప్పుకుని కెసిఆర్ బతుకుతున్నారని, తెలంగాణ పేరుతో కెసిఆర్, ఆయన కుటుంబ సభ్యులు ఆస్తులు సంపాదించుకున్నారని ఎర్రబెల్లి దయాకర్ రావు ఆరోపించారు.

English summary
TDP Telangana forum convenor Errabelli Dayakar Rao lashed out at TRS president K Chandrasekha Rao.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X