• search
  • Live TV
తిరుపతి వార్తల కోసం
నోటిఫికేషన్స్ పై క్లిక్ చేయండి  

పట్టించుకోవట్లేదు: కాంగ్రెస్ తీరుపై చిరు మంత్రి అసంతృప్తి

By Srinivas
|

C Ramachandraiah
తిరుపతి: కాంగ్రెసు తీరుపై తిరుపతి శాసనసభ్యుడు చిరంజీవి వర్గం మంత్రి సి.రామచంద్రయ్య ఆదివారం తీవ్ర అసంతృప్తి వ్యక్తం చేశారు. ఇప్పటికే అంతర్గత కుమ్ములాటలతో కకావికలమవుతున్న కాంగ్రెస్‌కు ఇది కొత్త సమస్య. ఇప్పటికే పార్టీ రెండు వర్గాలుగా చీలిపోయి పరస్పర విమర్శలు చేసుకుంటుంటే కొత్తగా మూడో వర్గం గళమెత్తుతోంది. ప్రజారాజ్యం పార్టీ విలీనం ద్వారా రాష్ట్ర మంత్రి పదవి పొందిన రామచంద్రయ్య కాంగ్రెస్‌పై నిప్పులు చెరిగారు. తిరుపతిలో ఆదివారం జరిగిన చిరంజీవి వీడ్కోలు సభకు హాజరైన మంత్రి రామచంద్రయ్య.. చిరంజీవి చెన్నై బయలుదేరి వెళ్లిన గంట తర్వాత ఓ టివి చానల్‌తో మాట్లాడుతూ కాంగ్రెస్‌పై మండిపడ్డారు. కాంగ్రెస్ పరిస్థితి దయనీయంగా మారిందన్నారు. పూర్వ పిఆర్పీ నాయకులను కాంగ్రెసు పార్టీ పట్టించుకోవడం లేదని విమర్శించారు. ముఖ్యమంత్రి కిరణ్ కుమార్ రెడ్డి, ప్రదేశ్ కాంగ్రెసు కమిటీ అధ్యక్షుడు బొత్స సత్యనారాయణ తమను లెక్క చేయడం లేదని ఆరోపించారు.

దీంతో విలీన ప్రక్రియకే అర్థం లేకుండా పోయిందన్నారు. ఎందుకు విలీనమయ్యామా అని కేడర్ అయోమయంలో పడిందన్నారు. కాంగ్రెస్ అధిష్ఠానం చేసిన సూచనలను రాష్ట్ర కాంగ్రెస్ నేతలు తుంగలో తొక్కుతున్నారన్నారు. పదవులు ఎందుకు తీసుకున్నామా? అన్న బాధ కలుగుతోందని ఆవేదన వ్యక్తం చేశారు. పిఆర్పీ కేడర్‌ను కాంగ్రెసు ఉపయోగించుకోవడం లేదన్నారు. పిఆర్పీ కేడర్‌‍కు విపక్షాలు గాలం వేస్తున్నాయన్నారు. తమకు సముచిత స్థానం కల్పించాలన్నారు. నామినేటెడ్ పోస్టులు ఇవ్వాలని అన్నారు. తమ పార్టీ నాయకుల అసంతృప్తిని కాంగ్రెసు గమనించాలన్నారు.

అయితే, ఆ తర్వాత ఇదే అంశంపై ఇతర చానళ్లతో మాట్లాడడానికి ఆయన నిరాకరించారు. ఏదో ఫ్లోలో మాట్లాడేశాను తప్ప ఉద్దేశపూర్వకంగా కాంగ్రెస్‌ను విమర్శించ లేదని చెప్పడం గమనార్హం. నిజంగా అలా మాట్లాడాలని ఉంటే మీడియా ప్రతినిధులందరినీ పిలిచి మాట్లాడి ఉండే వాడినన్నారు. దీనికి సంబంధించిన వివరణను కూడా ఇక్కడ ఇవ్వనని, హైదరాబాద్‌లోనే మాట్లాడతానని చెప్పారు. ఆ తర్వాత ఆయన మీడియాకు అందుబాటులో లేకుండా వెళ్లిపోయారు.

English summary

 Tirupati MLA Chiranjeevi camp minister unhappy with congress party attitude.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X