• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

జగన్‌కు షాక్: సిబిఐ కస్టడీకి మరో రెండు రోజులు

By Pratap
|

YS Jagan
హైదరాబాద్: వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డిని మరో రెండు రోజుల పాటు సిబిఐ కస్టడీకి అప్పగిస్తూ హైకోర్టు ఆదేశాలు జారీ చేసింది. సిబిఐ మూడు రోజుల పాటు జగన్‌ను తమ కస్టడీకి అప్పగించాలని సిబిఐ కోరగా రెండు రోజుల పాటు అప్పగిస్తూ కోర్టు తన నిర్ణయాన్ని శుక్రవారం సాయంత్రం ఐదున్నర గంటల ప్రాంతంలో ఆదేశాలు జారీ చేసింది. రేపు, ఎల్లుండి సిబిఐ జగన్‌ను ప్రశ్నిస్తుంది.

సిబిఐ వాదనలతో ఏకీభవించిన కోర్టు జగన్‌ను కస్టడీకి అప్పగించింది. సిబిఐ కస్టడీకి కోర్టు షరతులు పెట్టింది. ఉదయం పదిన్నర గంటల నుంచి సాయంత్రం ఐదు గంటల వరకు న్యాయవాదుల సమక్షంలోనే జగన్‌ను విచారించాలని కోర్టు సిబిఐని ఆదేశించింది. జగన్‌ను తమ కస్టడీకి అప్పగించాలని కోరుతూ సిబిఐ దాఖలు చేసిన పిటిషన్‌పై అంతకు ముందు వాదనలు జరిగాయి. వాదనలు ముగిసిన తర్వాత తన నిర్ణయాన్ని హైకోర్టు కొంత సేపు రిజర్వ్‌లో ఉంచింది.

ఐదు రోజుల విచారణలో సిబిఐ జగన్‌ను వేధించలేదని సిబిఐ తరఫు న్యాయవాది స్పష్టం చేశారు. న్యాయవాదుల సమక్షంలోనే విచారణ జరిగిందని ఆయన చెప్పారు. వైయస్ జగన్ అక్రమాలపై వివరాలను పూర్తిగా సేకరిస్తున్నామని చెప్పారు. జగన్‌ను ఎన్ని రకాలుగా ప్రశ్నించినా వేరే వాళ్ల పైకి నెపం నెడుతున్నారని చెప్పారు. జగన్‌కు వ్యతిరేకంగా ఇటీవలి కాలంలో సాక్షులు ముందుకు వచ్చారన్నారు. దర్యాఫ్తులో కొత్త కొత్త విషయాలు వెలుగులోకి వచ్చాయని చెప్పారు. ఇతర రాష్ట్రాలు, ఇతర దేశాల్లో కూడా జగన్ తన సామ్రాజ్యాన్ని విస్తరించారని తెలిపారు.

జగన్ కస్టడీ కోరడం తమకు రాజ్యాంగం కల్పించిన హక్కు అని సిబిఐ తరఫు న్యాయవాది పేర్కొన్నారు. జగన్ మామూలు నేరస్తుడు కాదని, విచారణకు సహకరించడం లేదన్నారు. ఐదు రోజుల కస్టడీలో చాలామంది సాక్ష్యులను విచారించామన్నారు. జగన్‌ను ఎన్నిసార్లు ప్రశ్నించినా పొంతన లేని సమాధానాలు ఇచ్చారని తెలిపారు. రాష్ట్రం, ఇతర రాష్ట్రాలు విదేశాలలో నేరం జరిగినట్లుగా ఆధారాలు ఉన్నాయన్నారు. విదేశీ కంపెనీల నుంచి జగతిలోకి వచ్చిన పెట్టుబడులపై ఆరా తీయాల్సి ఉందన్నారు.

తన తండ్రి దివంగత ముఖ్యమంత్రి వైయస్ రాజశేఖర రెడ్డి అధికారాన్ని అడ్డు పెట్టుకొని జగతి పబ్లికేషన్స్ వైస్ చైర్మన్ విజయ సాయి రెడ్డితో కలిసి కుట్ర పన్నారన్నారు. పెట్టుబడుల అక్రమాలపై ఆధారాలు ముందు పెట్టి జగన్‌ను ప్రశ్నించినా సమాధానం దాట వేశారన్నారు. పొంతన లేని సమాధానాలు ఇచ్చారన్నారు. విచారణలో చాలా తెలివిగా సమాధానాలు చెబుతున్నారని తెలిపారు. విదేశీ కంపెనీల నుంచి జగతిలోకి వచ్చిన పెట్టుబడులపై ఆరా తీయాల్సి ఉందన్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
The High Court extended YSR Congress president YS Jagan's CBI custody for two more days. CBI said in High Court that, YSR Congress Party chief and Kadapa MP YS Jaganmohan Reddy is not common criminal, he is very intelligent. He did not support to CBI enquiry in his custody, added CBI's lawyer.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more