• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

రామోజీ కొడుకు సుమన్ మృతికి వైఎస్సార్సీ సంతాపం

By Srinivas
|

Suman
హైదరాబాద్: ఈనాడు సంస్థల చైర్మన్ రామోజీ రావు రెండో కుమారుడు సిహెచ్ సుమన్ మృతిపట్ల వైయస్సార్ కాంగ్రెసు పార్టీ శుక్రవారం సంతాపాన్ని తెలిపింది. రచయితగా, చిత్రకారుడిగా, నటుడిగా, ఈటీవి డైరెక్టర్‌గా తెలుగు టివి ప్రేక్షకులకు సుమన్ సుపరిచితులని పార్టీ తన సంతాప సందేశంలో పేర్కొంది. చిన్న వయస్సులోనే సుమన్ కన్నుమూయటం బాధాకరమని, సుమన్ సతీమణి విజయేశ్వరి, పిల్లలు, రామోజీ రావు, కుటుంబ సభ్యులకు వైయస్సార్ కాంగ్రెసు పార్టీ ప్రగాడ సానుభూతిని తెలిపింది.

రామోజీ ఫిల్మ్ సిటీలో ఉన్న సుమన్ భౌతికాయానికి ముఖ్యమంత్రి కిరణ్ కుమార్ రెడ్డి, తెలుగుదేశం పార్టీ అధినేత నారా చంద్రబాబు నాయుడు, సిపిఐ రాష్ట్ర కార్యదర్శి నారాయణ, ఎంపీ సుజనా చౌదరి, ఎమ్మెల్యే మంచి రెడ్డి కిషన్ రెడ్డి, మంత్రులు డికె అరుణ, సబితా ఇంద్రా రెడ్డి తదితరులు నివాళులు అర్పించారు. వారందరూ సుమన్ కుటుంబ సభ్యులకు సంతాపం తెలిపారు. బహుముఖ ప్రజ్ఞాశాలిని కోల్పోయామని చంద్రబాబు, కిరణ్ అన్నారు.

ఈటీవి స్థాపన, విస్తరణలో ఉన్నత ప్రమాణాలతో విశేష కృషి చేసిన వ్యక్తి సుమన్ అని భారతీయ జనతా పార్టీ సీనియర్ నాయకుడు వెంకయ్య నాయుడు కొనియాడారు. సృజనాత్మకత ఉన్న మంచి రచయితను కోల్పోయామని తమిళనాడు గవర్నర్ కొణిజేటి రోశయ్య తన సంతాప సందేశంలో పేర్కొన్నారు.

మంత్రులు పొన్నాల లక్ష్మయ్య, శ్రీధర్ బాబు, ఆనం రామనారాయణ రెడ్డి, డికె అరుణ, సునీతా లక్ష్మా రెడ్డి, బాలరాజు, తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర రావు, ఎంపీలు హరికృష్ణ, నామా నాగేశ్వర రావు, పొన్నం ప్రభాకర్, కావూరి సాంబశివ రావు, మధుయాష్కీ, ఎమ్మెల్యేలు మోత్కుపల్లి నర్సింహులు, హరీష్ రావు, బిజెపి అధ్యక్షుడు కిషన్ రెడ్డి తదితరులు సంతాపం వ్యక్తం చేశారు. మంచి నటుడిని కోల్పోయామని రాజ్యసభ సభ్యుడు, కాంగ్రెసు ముఖ్యనేత చిరంజీవి అన్నారు.

English summary
YSR Congress party said in their condelence message that Suman is a good actor, writer, director and artist.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X