• search
  • Live TV
ఆదిలాబాద్ వార్తల కోసం
నోటిఫికేషన్స్ పై క్లిక్ చేయండి  

వేయి లారీల డబ్బు దోచుకున్నాడు: జగన్‌పై బాబు

By Pratap
|
Chandrababu Naidu
ఆదిలాబాద్: వైయస్సార్ కాంగ్రెసు పార్టీ అధ్యక్షుడు వైయస్ జగన్ వేయి లారీల డబ్బులు దోచుకున్నాడని తెలుగుదేశం పార్టీ అధ్యక్షుడు నారా చంద్రబాబు నాయుడు ఆరోపించారు. ఆదిలాబాద్‌ జిల్లాలో వస్తున్నా.. మీకోసం పాదయాత్రను కొనసాగిస్తున్న చంద్రబాబు సోమవారం తెంబుర్నిలో ప్రజలను ఉద్దేశించి ప్రసంగించారు. వైయస్ జగన్ లక్ష కోట్ల రూపాయలు దోచుకున్నాడని, అది ఎంత అనేది ఊహకందని విషయమని, ఆ డబ్బును స్వాధీనం చేసుకుని ఖర్చు చేస్తే ప్రజల కష్టాలన్నీ తీరుతాయని ఆయన అన్నారు.

జగన్ ఆక్రమ సంపాదనను స్వాధీనం చేసుకోవాలని ఆయన ప్రభుత్వాన్ని డిమాండ్ చేశారు. విద్యుత్తు కోసం రైతులు పొలాల్లోనే పడుకుంటున్నారని, రైతుల సమస్యలను తీర్చే పరిస్థితిలో ప్రభుత్వం లేదని ఆయన అన్నారు. కాంగ్రెసు నాయకులు ప్రజల పొట్టలు కొట్టారని ఆయన అన్నారు. పెట్టుబడులు లేకుండా, కష్టం లేకుండా వైయస్ జగన్ తండ్రి అధికారాన్ని అడ్డం పెట్టుకుని అక్రమంగా డబ్బులు సంపాదించారని ఆయన ఆరోపించారు.

కాంగ్రెసు నాయకులు దోచుకున్న సొమ్మంతా ప్రజల కష్టమని, ఆ సొమ్ము ప్రజలదని ఆయన అన్నారు. తాము అధికారంలోకి వస్తే బీడీ కార్మికలకు 1500 రూపాయల చొప్పున పింఛన్లు ఇస్తామని ఆయన హామీ ఇచ్చారు. రైతుల పంటలను కొనే నాథుడు లేడని ఆయన అన్నారు. అన్ని సరుకుల ధరలు పెరిగాయని, దీంతో ప్రజలు ఇబ్బందుల పాలవుతున్నారని ఆయన అన్నారు.

తాను అధికారంలోకి రావడానికి ముందు హైదరాబాద్, సికింద్రాబాదు మాత్రమే ఉండేవని, తాను అధికారంలోకి వచ్చిన తర్వాత సైబరాబాద్‌ను అభివృద్ధి చేశానని, దాంతో లక్షల మందికి ఉద్యోగాలు వచ్చాయని, ప్రజల ఆదాయంతో పాటు ప్రభుత్వ ఆదాయం పెరిగిందని, ఆ ఆదాయాన్ని ప్రజల కోసం ఖఱ్చు చేసి ఉంటే సమస్యలు తగ్గి ఉండేవని ఆయన అన్నారు.

కేంద్ర, రాష్ట్ర ప్రభుత్వాల విధానాలు రైతులను సంక్షోభంలోకి నెడుతున్నాయని చంద్రబాబు విమర్శించారు. తన పాదయాత్రలో ఆయన పసుపు, వరి, పత్తి చేలను ఆయన పరిశీలించారు. రైతులకు అండగా ఉంటానని ఆయన హామీ ఇచ్చారు. ఎరువుల కోసం రైతులు పడిగాపులు పడాల్సి వస్తోందని ఆయన అన్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

ఆదిలాబాద్ యుద్ధ క్షేత్రం
జనాభా గణాంకాలు
జనాభా
19,91,992
జనాభా
  • గ్రామీణ ప్రాంతం
    79.60%
    గ్రామీణ ప్రాంతం
  • పట్టణ ప్రాంతం
    20.40%
    పట్టణ ప్రాంతం
  • ఎస్సీ
    15.27%
    ఎస్సీ
  • ఎస్టీ
    22.48%
    ఎస్టీ

English summary
Telugudesam president N Chandrababu Naidu has alleged that YSR Congress party president YS Jagan earned crores od rupees in illegal manner.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more