'జై తెలంగాణ'కు గిఫ్ట్!, కెకె టీ పార్టీలో కెసిఆర్(పిక్చర్స్)

By Srinivas

Published: Tuesday, September 10, 2013, 9:16 [IST]

హైదరాబాద్: ఎపిఎన్జీవో సభలో తెలంగాణ నినాదాలు చేసిన కానిస్టేబుల్ శ్రీనివాస్‌కు తెలంగాణ రాష్ట్ర సమితి మాజీ పార్లమెంటు సభ్యులు జితేందర్ రెడ్డి లక్ష రూపాయల చెక్కును అందించారు. ఈ నెల 7న ఎల్బీ స్టేడియంలో జరిగిన ఎపిఎన్జీవో సభలో శ్రీనివాస్ వేదిక ముందు జై తెలంగాణ నినాదాలు చేయడంతో ఆయనను తోటి పోలీసులు కొట్టిన విషయం తెలిసిందే.

కాగా, వారం రోజులకు పైగా ఢిల్లీ గడిపిన తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర రావు సోమవారం ఆ పార్టీ సెక్రటరీ కె కేశవ రావు నివాసంలో తెలంగాణ ఉద్యోగ సంఘాల నేతలతో సమావేశమయ్యారు. ఈ భేటీలో తాజా రాజకీయ పరిణామాలు, భవిష్యత్ కార్యాచరణపై చర్చించారు. ఈ సందర్భంగా కె కేశవ రావు టీ పార్టీ ఇచ్చారు.

ఎపిఎన్జీవోల సభకు ధీటుగా టిఎన్జీవోలు సభ నిర్వహించాలని నిర్ణయించిన విషయం తెలిసిందే. ఈ నెల 22వ తేదీన ఎన్టీఆర్ స్టేడియంలో తెలంగాణ స్వాభిమాన్ పేరుతో తెలంగాణ ఎన్జీవోల సభను తలపెట్టారు. అలాగే ఈ నెల 20న ఉద్యోగుల సభ, 25న కరీంనగర్‌లో తెరాస సభ, 30న ఓయులో విద్యార్థి ఐకాస సభ నిర్వహించాలని నిర్ణయించినట్లు తెలుస్తోంది.

భేటీ

తెలంగాణ రాష్ట్ర సమితి సీనియర్ నేత కె కేశవ రావు నివాసంలో భేటీ అయిన తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర రావు, ఉద్యోగ సంఘ నేతలు.

చిరునవ్వు

తెలంగాణ రాష్ట్ర సమితి సీనియర్ నేత కె కేశవ రావు నివాసంలో భేటీ అయిన తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర రావు, పార్టీ నేత కడియం శ్రీహరి తదితరులు భేటీ