షర్మిల యాత్రలో బస్సుపై నుండి పడ్డ నేత మృతి
షర్మిల సమైక్య శంఖారావ బస్సు యాత్ర రెండు రోజుల క్రితం శ్రీ పొట్టి శ్రీరాములు నెల్లూరు జిల్లాలో సాగింది. ఈ యాత్రలో పాల్గొన్న సుధాకర్ రెడ్డి బస్సు పై నుండి కింద పడ్డారు. తీవ్ర గాయాలైన అతనిని చికిత్స కోసం చెన్నైలోని ఓ ఆసుపత్రిలో చేర్పించారు. ఆయన చికిత్స పొందుతూ మృతి చెందారు.
కాగా, రాష్ట్రాన్ని సమైక్యంగా ఉంచాలని డిమాండ్ చేస్తూ షర్మిల చేపట్టిన సమైక్య శంఖారావ యాత్ర కావలి నుంచి మంగళవారం ప్రారంభమైంది. ఈ రోజు ఆమె కనిగిరి, మార్కాపురంలలో పర్యటిస్తారు. ఉదయం పదకొండు గంటలకు కనిగిరి బహిరంగ సభలో షర్మిల పాల్గొంటారు.
ఆ తర్వాత మార్కాపురం వెళ్తారు. అక్కడ సాయంత్రం నాలుగు గంటలకు జరిగే బహిరంగ సభలో పాల్గొంటారు. కాగా, కోడూరు సుధాకర్ రెడ్డి మృతి పట్ల ఆయన కుటుంబ సభ్యులకు షర్మిల సంతాపం తెలిపారు.
Click it and Unblock the Notifications
Sign in with Google