హైదరాబాద్‌లో అదృశ్యమైన మరో మహిళా టెక్కీ

హైదరాబాద్: నగరంలో మరో సాఫ్ట్‌వేర్ ఇంజినీర్ అదృశ్యమయ్యారు. ఓ ప్రైవేటు కంపెనీలో సాఫ్ట్‌వేర్ ఇంజినీర్‌గా విధులు నిర్వహిస్తున్న విజిత అనే యువతి జీడిమెట్లలో అదృశ్యమైంది. తమ కూతురు ఇంటికి తిరిగి రాకపోవడంతో వారు తీవ్ర ఆందోళనకు గురయ్యారు. ఈ మేరకు ఆమె తల్లిదండ్రులు పోలీసులకు ఫిర్యాదు చేశారు. తమ కూతురు క్షేమంగా తిరిగి రావాలని వారు కోరుకుంటున్నారు.

కాగా, గత వారం అదృశ్యమైన సాఫ్ట్‌వేర్ ఇంజినీర్ మానస రంజన్ స్వైన్ (29) ఆచూకీ ఇంకా లభించలేదు. ఆమె కోసం సైబరాబాద్ పోలీసులు తీవ్రంగా గాలింపు చర్యలు చేపట్టారు. జనవరి 18న ఉదయం 9 గంటలకు రైలు టికెట్ బుక్ చేసేందుకు వెళ్లిన రంజన్ అదృశ్యమైనట్లు పోలీసులకు ఫిర్యాదు అందిన విషయం తెలిసిందే.

తొలుత మాదాపూర్‌లోని యాపిల్ హోం గెస్ట్‌హౌజ్ నుంచి వెళ్లిన రంజన్ నేరుగా గచ్చిబౌలిలోని ఇన్పోసిస్ కంపెనీకి వెళ్లారు. ఆ తర్వాత 15 నిమిషాలకు కార్యాలయం నుంచి బయటికి వచ్చిన ఆమె సెల్ ఫోన్ స్విఛాఫ్ చేసినట్లు పోలీసులు గుర్తించారు. కాగా మానస రంజన్ ఆచూకీ ఇంకా లభ్యం కాలేదని మాదాపూర్ పోలీసులు తెలిపారు.

English summary

A Saftware Engineer is missing from Hyderabad and case has been filed by the Hyderabad city police with the complaint of techie's parents.