గోదావరిలో పడవ బోల్తా: ఇద్దరు మృతి, ఒకరు గల్లంతు

రాజమండ్రి/ కర్నూలు: తూర్పు గోదావరి జిల్లా ధవళేశ్వరం వద్ద పడ బోల్తా పడింది. ఈ ఘటనలో ఇద్దరు మరణించగా, మరొకరు గల్లంతయ్యారు. అతని ఆచూకీ తెలియడం లేదు. ఈ ప్రమాదం మంగళవారం సాయంత్రం ఐదు గంటల ప్రాంతంలో జరిగింది.

ఓ పెళ్లి బృందానికి చెందిన ఏడుగురు ఓ పడవలో పడ్డారు. ఈదురుగాలులతో, భారీ వర్షం రావడంతో పాటు వరద నీరు కూడా వచ్చి చేరడంతో పడవ అటూ ఇటూ కొట్టుకుని బోల్తా పడింది. పడవలోని నలుగురు సురక్షితంగా బయటపడ్డారు.

కర్నూలు జిల్లాలోని గోకులపాడులో కురిసిన వర్షాలు ఓ కుటుంబాన్ని నిలువునా మింగేశాయి. ఇంటర్మీడియట్ పరీక్షలు రాసేందుకు వెళుతున్న అక్కా, చెల్లెలు, తండ్రి ఈ ముగ్గురు ఉధృతంగా ప్రవహిస్తున్న ముక్కేరువాగులో కొట్టుకుపోయారు.

సుశీల, శశికళ వారి తండ్రి నారాయణ వాగు దాటేందుకు ప్రయత్నించగా ఈ ఘటన చోటు చేసుకుంది. నారాయణ మృతదేహం లభ్యం కాగా, అక్కా చెల్లెళ్ల మృత దేహాలకోసం గాలింపు చర్యలు చేపట్టారు.

English summary

Two dead and one missing in Godavari river near Dhavaleswaram barrage in East Godavari district, as boat over turns.