కుప్పం నుంచి బరిలో నారా భువనేశ్వరి - స్వయంగా వెల్లడి..!!

ఏపీలో ఎన్నికల రాజకీయం ఆసక్తి కరంగా మారుతోంది. పొత్తుల వేళ మరో కీలక పరిణామం చోటు చేసుకుంది. టీడీపీ అధినేత చంద్రబాబుకు కుప్పం నుంచి వరుసగా ఏడు సార్లు గెలుపొందారు. వచ్చే ఎన్నికల్లో అక్కడి నుంచే పోటీకి సిద్దం అవుతున్నారు. ఈ సమయంలో అనూహ్యంగా నారా భువనేశ్వరి కుప్పం వేదికగా చేసిన వ్యాఖ్యలు వైరల్ అవుతున్నాయి. చంద్రబాబుకు కుప్పంలో విశ్రాంతి ఇచ్చి తాను పోటీ చేయాలని అనుకుంటున్నట్లు వెల్లడించారు.

నారా భువనేశ్వరి చేపట్టిన నిజం గెలవాలి యాత్ర చిత్తూరు జిల్లాలో కొనసాగుతుంది. కుప్పంలో రెండు కుటుంబాలను భువనేశ్వరి పరామర్శించారు. మృతుల కుటుంబాలకు పార్టీ తరఫున ఆర్థిక సయం చేశారు.ఈ సమయంలోనే స్థానికులను ఉద్దేశించి మాట్లాడుతూ కీలక వ్యాఖ్యలు చేసారు. తనకు మనసులో ఒక కోరిక కలిగిందని చెప్పుకొచ్చారు.

35 ఏళ్లుగా ఎమ్మెల్యేగా ఉన్న చంద్రబాబుకు కుప్పంలో ఈ సారి విశ్రాంతి ఇచ్చి..తాను పోటీ చేయాలని అనుకుంటున్నట్లు చెప్పుకొచ్చారు. ఈ వ్యాఖ్యలు చేసిన వెంటనే స్థానిక నేతలు హర్షం వ్యక్తం చేసారు. కుప్పం నుంచి ఇప్పటి వరకు చంద్రబాబు వరుసగా ఏడు సార్లు విజయం సాధించారు. ఈ సారి కుప్పంలో చంద్రబాబును ఓడించేందుకు వైసీపీ భారీ కసరత్తు చేస్తోంది. కానీ, చంద్రబాబు తన గెలుపు ఖాయమనే ధీమాతో ఉన్నారు.

టీడీపీ కుప్పం అభ్యర్థిని నేనే.. నారా భువనేశ్వరి సంచలన వ్యాఖ్యలు..!!#NaraBhuvaneswari #Chandrababu #ChandrababuNaidu #Kuppam #NijamGelavali #AndhraPradesh #ApElections2024 #Oneindiatelugu pic.twitter.com/cw0F4yytqU

— oneindiatelugu (@oneindiatelugu) February 21, 2024

ప్రతీ మూడు నెలలకోసారి చంద్రబాబు కుప్పంలో పర్యటిస్తున్నారు. స్థానిక కేడర్ తో మమేకం అవుతున్నారు. ఈ సారి గెలుపును ప్రతిష్ఠాత్మకంగా తీసుకున్నారు. అయితే, భువనేశ్వరిని విజయవాడ పార్లమంట్ నుంచి పోటీ చేయించాలంటూ కొందరే నేతలు ఇప్పటికే చంద్రబాబు వద్ద ప్రతిపాదించారు. కానీ, ఎలాంటి నిర్ణయం తీసుకోలేదు.

చంద్రబాబుకు రెస్ట్ ఇద్దాం.కుప్పం నుంచి పోటీ చేయాలని ఉంది:నారా భువనేశ్వరి#NaraBhuvaneswari #NaraChandrababuNaidu #kuppam pic.twitter.com/MG8eOKeiaS

— Common Man (@peoplesjourno) February 21, 2024

ఇప్పటికే టీడీపీ, జనసేన, బీజేపీ పొత్తు కారణంగా సీట్ల సర్దుబాట్ల వ్యవహారం సంక్లిష్టంగా మారుతోంది. చంద్రబాబు, లోకేష్, బాలయ్య, భరత్ పోటీలో ఉన్న సమయంలో మరొకరిని బరిలోకి దింపటం పైన చంద్రబాబు సుముఖంగా లేరని చెబుతున్నారు. అయితే, ఇప్పుడు కుప్పం నుంచి భువనేశ్వరి చేసిన వ్యాఖ్యలతో ఆలోచన మరిందా... కుప్పం నుంచి భువనేశ్వరి పోటీ చేయటం ఖాయమైందా అనే చర్చ మొదలైంది. ఇప్పుడు భువనేశ్వరి చేసిన వ్యాఖ్యలు వైరల్ అవుతున్నాయి.

English summary

Nara Bhuvaneshwari Express her interest in contesting next elections from Kuppam.