పట్టాలు తప్పిన మరో ఎక్స్ ప్రెస్: రెండు నెలల్లో రెండో ప్రమాదం

పాట్నా: రైలు ప్రమాదాలకు బిహార్ కేరాఫ్ అడ్రస్ గా మారినట్టుంది. నెలకో ప్రమాదం చొప్పున వరుసగా రెండో నెలల్లో రెండు ఘటనలు అక్కడ చోటు చేసుకున్నాయి. ఫిబ్రవరిలో ఓ ఎక్స్ ప్రెస్ రైలు పట్టాలు తప్పిన ఉదంతం రేపిన ప్రకంపనలు తగ్గకముందే- మరో ఉదంతం ముందుకు వచ్చింది. ఏకంగా 10 బోగీలు పట్టాలు తప్పాయి. ఈ ఘటనలో ప్రాణనష్టం తప్పినప్పటికీ.. పలువురు ప్రయాణికులు గాయపడ్డారు.

ఆదివారం ఉదయం బిహార్ లోని ఛాప్రా జిల్లాలో ఈ ఘటన చోటు చేసుకుంది. గుజరాత్ లోని సూరత్ నుంచి బయలుదేరిన తాప్పీ-గంగా ఎక్స్ ప్రెస్ ఉదయం 9:15 నిమిషాల సమయంలో జిల్లాలోని గౌతమ్ స్థాన్ రైల్వే స్టేషన్ సమీపంలో పట్టాలు తప్పింది. రైలుకు చెందిన 10 బోగీలు పట్టాలు తప్పాయి. ఈ ఘటనలో ఆరుమంది ప్రయాణికులు గాయపడ్డారు. వారిని చికిత్స నిమిత్తం ఛాప్రాలోని రైల్వే ఆసుపత్రికి తరలించారు. ఉదయం 8 గంటలకు ఛాప్రా జంక్షన్ స్టేషన్ నుంచి బయలుదేరిన ఈ రైలు గౌతమ్ స్థాన్ స్టేషన్ కు కొద్ది దూరంలో ప్రమాదానికి గురైంది.

కిందటి నెల 3వ తేదీన కూడా బిహార్ లో ఓ ఎక్స్ ప్రెస్ రైలు ప్రమాదానికి గురైన విషయం తెలిసిందే. జగ్బాణి-ఆనంద్ విహార్ టెర్మినల్ రైలు ప్రమాదానికి గురైంది. పట్టాలు తప్పింది. ఈ ఘటనలో ఏడుమంది ప్రయాణికులు మృత్యువాత పడ్డారు. 11 మందికి పైగా గాయపడ్డారు. గాయపడ్డ వారు ఇప్పుడిప్పుడే ఆ భయానక జ్ఞాపకాల నుంచి కోలుకుంటున్నారు. అదే సమయంలో- మరోసారి బిహార్ లోనే రైలు పట్టాలు తప్పడం కలకలం రేపింది.

English summary

At least four people were injured after more than 10 coaches of Chhapra surat express train derailed near Gautamsthan Railway Station in Bihar's Chhapra. According to reports, the train left Chhapra junction at around 8 am after which it got derailed near Gautamsthan station. The cause of the derailment was not immediately known. There were no immediate reports of casualties. Reports suggest that rail services were affected on the route due to the derailment of the Tapti-Ganga Express. Earlier this year, nine bogies of Jogbani-Anand Vihar Terminal Seemanchal Express derailed in state's Sahadai Buzurg.