సరదా, నా కోసం ఆతృత: సవాల్‌కు రమ్య నో, క్షమాపణ

By Srinivas

Updated: Wednesday, August 27, 2014, 9:33 [IST]

బెంగళూరు: ఐస్ బకెట్ ఛాలెంజ్‌లో సెలబ్రిటీలు, వీవీఐపీలు పాల్గొంటున్న విషయం తెలిసిందే. అయితే, కన్నడ నటి, మాజీ పార్లమెంటు సభ్యురాలు రమ్య మాత్రం ఐస్ బకెట్ ఛాలెంజ్‌ను నో చెబుతున్నారు.

ఐస్ బకెట్ ఛాలెంజ్‌లో పాల్గొన్న వారు మరొకరికి సవాల్ విసుతున్న విషయం తెలిసిందే. దీంతో, ఐస్ బకెట్ ఛాలెంజ్‌కి నో చెప్పిన రమ్య, తనను నామినేట్ చేసిన వారిని క్షమాపణ కోరారు.

అయితే, ఐస్ బకెట్ ఛాలంజ్‌లో పాల్గొనక పోవడంపై ఆమె వివరణ ఇచ్చారు. వ్యాధి పైన అవగాహన పెంచేందుకు, నిధులు సమీకరించేందుకు ప్రారంభమైన ఈ కార్యక్రమం ఇప్పుడు సరదా కార్యక్రమంగా మారిపోయిందని ఆమె అభిప్రాయపడుతున్నారు.

రమ్య

ఐస్ బకెట్ ఛాలెంజ్ అంటున్న వారు కేవలం సరదా కోసం నీళ్లు పోసుకోవడమే కాకుండా.. ఎంతో కొంత మొత్తాన్ని ఇవ్వాలని సూచించారు.

రమ్య

తాను ఐస్ బకెట్ ఛాలెంజ్ తీసుకోవాలని చాలామంది ఆతృతతో ఎదురు చూస్తున్నారని, కానీ, తాను దీనిని స్వీకరించడం లేదని తెలిపారు.

రమ్య

ఐస్ బకెట్ ఛాలెంజ్ ఎందుకు ప్రారంభమైందో, ఆ వ్యాధి గురించి పూర్తిగా తెలుసుకోవాలని ఆమె సూచించారు. తాను మరో ఛాలెంజ్‌ని దేనినైనా తీసుకుంటానని, ఈ సవాల్ మాత్రం స్వీకరించనని చెప్పారు.

రమ్య

కాగా, సోనాక్షి సిన్హా కూడా ఇదే అభిప్రాయం వ్యక్తం చేసిన విషయం తెలిసిందే. సోనాక్షి సిన్హా ఓ బకెట్‌లో ఒక్క ఐస్ ముక్క వేసుకొని పై నుండి కింద దాకా వేసుకున్నారు.