రైలుకు, ప్లాట్‌ఫాం మధ్య చిక్కుకొని మహిళ మృతి

లక్నో: ఉత్తర ప్రదేశ్‌లోని కాన్పూర్‌లో ఓ మహిళ రైలుకు, ప్లాట్‌ఫాంకు మధ్యలో చిక్కుకొని మృతి చెందిన సంఘటన ఆదివారం జరిగింది. మహిళను బయటకు తీసేందుకు రైల్వే అధికారులు 45 నిమిషాలు ప్రయత్నించారు. ఆ తర్వాత ఆమెను ఆసుపత్రికి తరలించినా ఫలితం లేకుండా పోయింది.

కాన్పూర్ రైల్వే స్టేషన్‌లో ఓ మహిళ రైలును దిగేందుకు ప్రయత్నించింది. అయితే ఆమె రైలుకు, ప్లాట్ ఫాంకు మధ్యలో చిక్కుకుపోయింది. వెంటనే రైలును ఆపేశారు. ఆమెను లాగేందుకు విఫల యత్నం చేశారు. దీంతో ప్లాట్ ఫాంను పగులగొట్టారు. ఆమె మృతి చెందింది.

కాగా, తన కూతురును ఎవరో తోయడంతో కిందపడిందని మృతురాలి తల్లి ఆరోపిస్తున్నారు. మరోవైపు కదులుతున్న రైలు నుండి ఆమె దిగే ప్రయత్నాలు చేయడం వల్లనే ఈ దుర్ఘటన జరిగిందని రైల్వే వర్గాలు అంటున్నాయి.

రైలు ఆగకముందే ఆమె దిగే ప్రయత్నాలు చేశారని, దీంతో ఆమె చిక్కుకుపోయిందని, ప్లాట్ ఫాంను పగులగొట్టి తాము ఆమెను బయటకు తీశామని రైల్వే అధికారులు చెప్పారు.

English summary

In a gruesome incident, a woman fell between a train and the platform while alighting and it took 45 minutes for authorities to remove her.