Click it and Unblock the Notifications
పాయింట్ల పట్టికలో కోల్ కతా అగ్రస్థానం
తన క్లాస్ బ్యాటింగ్‌తో కోల్‌కతా నైట్‌రైడర్స్‌కి అద్భుత విజయాలు అందిస్తూ ఏకంగా పాయింట్ల పట్టికలో జట్టును అగ్రస్థానంలో నిలిపాడు. టోర్నీలో 9 మ్యాచ్‌లాడిన గౌతం గంభీర్ 4 అర్ధ సెంచరీలు చేసి మొత్తం 376 పరుగులతో టాప్ స్కోరర్‌గా నిలిచాడు.
కోల్‌కతాకి వరుసగా మూడో విజయం
ఇక శుక్రవారం ఈడెన్‌గార్డెన్స్‌లో ఢిల్లీ డేర్‌డెవిల్స్‌‌తో జరిగిన మ్యాచ్లో కోల్‌కతా 7వికెట్ల తేడాతో విజయం సాధించిన సంగతి తెలిసిందే. తాజా విజయం కోల్‌కతాకి వరుసగా మూడోది కాగా... ఢిల్లీకి వరుసగా నాలుగో ఓటమి కావడం విశేషం. ఈ మ్యాచ్లో గంభీర్ 71 పరుగులతో నాటౌట్‌గా నిలిచాడు.
ఈ సీజన్‌లో అత్యధికంగా 376 పరుగులు
దీంతో ఈ సీజన్‌లో అత్యధికంగా 376 పరుగులు సాధించాడు. తద్వారా ఐపీఎల్‌లో అత్యధిక పరుగులు చేసిన బ్యాట్స్‌మెన్‌కు ఇచ్చే ఆరెంజ్ క్యాప్‌ను అందుకున్నాడు. అంతేకాదు 35 అర్ధ సెంచరీలతో ఐపీఎల్‌లో అత్యధిక అర్ధ సెంచరీలు నమోదు చేసిన ఆటగాడిగా గంభీర్ అగ్రస్థానంలో నిలిచాడు.
గంభీర్ తర్వాత డేవిడ్ వార్నర్
గంభీర్ తర్వాత స్థానంలో హైదరాబాద్ కెప్టెన్ డేవిడ్ వార్నర్ (34) ఉన్నాడు. దీంతో పాటు గంభీర్ టీ20 ఫార్మాట్‌లో ఆరువేల పరుగుల మైలురాయిని అందుకున్నాడు. ఇందులో 51 అర్ధ సెంచరీలు ఉన్నాయి. దీంతో పాటు కేవలం ఐపీఎల్‌లో 141మ్యాచ్‌ల ద్వారా 4000 పరుగులను పూర్తి చేశాడు.
