ప్రాణంగా ప్రేమించా: ఫోన్లో మాట్లాడుతూనే 5అంతస్తుల భవనంపైనుంచి దూకిన టెక్కీ
తను ప్రేమించిన యువతి తనకు దూరమైందన్న మనస్తాపంతో ఓ సాఫ్ట్వేర్ ఉద్యోగి బలవన్మరణానికి పాల్పడ్డారు. హైదరాబాద్లోని కూకట్పల్లి ఈ విషాదం చోటు చేసుకుంది. ఘటనపై కేసు నమోదు చేసుకున్న పోలీసులు..
హైదరాబాద్: తను ప్రేమించిన యువతి తనకు దూరమైందన్న మనస్తాపంతో ఓ సాఫ్ట్వేర్ ఉద్యోగి బలవన్మరణానికి పాల్పడ్డారు. హైదరాబాద్లోని కూకట్పల్లి ఈ విషాదం చోటు చేసుకుంది. ఘటనపై కేసు నమోదు చేసుకున్న పోలీసులు.. విచారణ జరుపుతున్నారు.
వివరాల్లోకి వెళితే.. వరంగల్ జిల్లా డోర్నకల్ సమీపంలోని గొల్లచర్ల గ్రామానికి చెందిన అంజయ్య కుమారుడు జగదీష్(26) ఇంజినీరింగ్ పూర్తిచేసి మాదాపూర్లోని ఓ ప్రైవేట్ కంపెనీలో సాఫ్ట్వేర్ ఇంజనీర్గా పనిచేస్తున్నాడు. కాగా, అతడికి తానుండే ప్రాంతంలోని ఓ యువతితో పరిచయం ఏర్పడింది. ఆ పరిచయం కాస్త ప్రేమగా మారింది.
తన ప్రేమ విషయాన్ని జగదీశ్ ఆ యువతికి చెప్పాడు. అయితే వేరే వ్యక్తితో ప్రేమలో ఉన్నట్లు యువతి చెప్పడంతో తీవ్ర మనస్థాపానికి గురయ్యాడు. ఈ క్రమంలోనే జగదీశ్ 5అంతస్థుల భవనంపై నుంచి దూకి ఆత్మహత్య చేసుకున్నాడు.
కాగా, చనిపోయే ముందు యువతితో తనను ప్రేమించాలంటూ ఫోన్లో మాట్లాడినట్లుగా తెలుస్తోంది. అప్పటికీ ఆ యువతి ఒప్పుకోకపోవడంతో ఫోన్లో మాట్లాడుతూనే భవనంపై నుంచి దూకేశాడు. యువతితో పాటు జగదీశ్ ఇంటి వాచ్మెన్ ఇచ్చిన ఫిర్యాదు మేరకు కేసు నమోదు చేసుకున్న పోలీసులు విచారణ జరుపుతున్నారు.
Click it and Unblock the Notifications
Sign in with Google