నలుగురు ఎమ్మెల్యేలకు భద్రత పెంపు, 4 ఫ్లస్ 4 గన్ మెన్స్, మంత్రుల మాదిరిగా..
ఎమ్మెల్యేల కొనుగోలు అంశం తెలంగాణ రాష్ట్రంలో పెను దుమారం రేపిన సంగతి తెలిసిందే. నిన్న సీఎం కేసీఆర్ మీడియా ముందుకు వచ్చి.. జరిగిన పరిణామాలను పూసగుచ్చినట్టు వివరించారు. ఆ నలుగురు ఎమ్మెల్యేలకు భద్రత ఏర్పాటు చేశారు. ఆ వీడియోలు బయటకు రావడంతో వారి ప్రాణాలకు థ్రెట్ ఉందని తెలంగాణ ప్రభుత్వం నిర్ణయం తీసుకుంది.
టీఆర్ఎస్ పార్టీకి చెందిన నలుగురు ఎమ్మెల్యేలు పైలట్ రోహిత్ రెడ్డి, రేగా కాంతారావు, గువ్వల బాలరాజు, హర్షవర్ధన్ రెడ్డికు రాష్ట్ర ప్రభుత్వం భద్రత పెంచించి. ఈ మేరకు శుక్రవారం ఉత్తర్వులు జారీచేసింది. ప్రస్తుతం నలుగురు ఎమ్మెల్యేలకు కొనసాగుతున్న భద్రతకు అదనంగా ప్రొటెక్షన్ ఏర్పాటు చేసింది.
నలుగురు ఎమ్మెల్యేలకు మంత్రుల స్థాయి భద్రత కల్పించనుంది. నలుగురికీ 4 ప్లస్ 4 గన్మెన్లను కేటాయించింది. హైదరాబాద్లోని నివాసంతోపాటు సొంత నియోజకవర్గంలో భద్రత కల్పిస్తారు. దీంతోపాటు బుల్లెట్ ప్రూఫ్ వాహనాలను కూడా ఏర్పాటు చేస్తారు. ఈ కేసును తెలంగాణ ప్రభుత్వం ప్రతిష్టాత్మకంగా తీసుకుంది.
నిన్న కేసీఆర్ మీడియాతో మాట్లాడుతూ.. ఈ దేశంలో, ఈ రాష్ట్రంలో ఏం జరుగుతుందన్నారు. ప్రజాస్వామ్యానికి మూలస్తంభాలుగా లెజిస్లేచర్, కార్యనిర్వహక వ్యవస్థ, న్యాయ వ్యవస్థ, నాలుగోది మీడియా అని వివరించారు. వీటన్నింటిని పక్కన పెట్టేశారు. ఎవరినైనా బెదిరించగలం, ఏమైనా చేయగలం అని వారు అనుకుంటున్నారు. ఈ ముఠాలు ఏం చేస్తున్నాయి. ఎవరు కూడా ఊహించలేరని కేసీఆర్ తెలిపారు. రాష్ట్రాల అభివృద్దికి ఆటంకంగా మారారని తెలిపారు. ప్రధాని మోడీకి తెలిసి జరుగుతుందో తెలియదు కానీ.. నివారించాల్సిన అవసరం ఉందన్నారు.
Click it and Unblock the Notifications
Sign in with Google