స్వీడన్‌లో తెలుగు విద్యార్థి అదృశ్యం

స్వీడన్‌లో ఓ తెలుగు విద్యార్థి కనిపించకుండా పోయాడు. గత 14 రోజులుగా స్వీడన్‌లో ఉన్నత విద్యాభ్యాసం చేస్తున్న ధీరజ్ రెడ్డి కనిపించడం లేదని ఆయన కుటుంబ సభ్యులు రాష్ట్ర ప్రభుత్వానికి తెలిపారు. ధీరజ్ రెడ్డి జాడ తెలియడం లేదని తాము రెండు సార్లు స్వీడన్ పోలీసులకు ఫిర్యాదు చేశామని, అయినా ఫలితం కనిపించలేదని వారు చెప్పారు. ఈ విషయాన్ని ధీరజ్ రెడ్డి తండ్రి అశోక్ రెడ్డి రాష్ట్ర ప్రభుత్వం దృష్టికి తెచ్చారు. తన కుమారుడి జాడ తెలుసుకోవడానికి స్వీడన్ ప్రభుత్వంపై ఒత్తిడి తేవాలని ఆయన రాష్ట్ర ప్రభుత్వాన్ని కోరారు.

ధీరజ్ రెడ్డి నిజామాబాద్ జిల్లా బోధన్‌కు చెందినవాడు. స్వీడన్‌లో ధీరజ్ రెడ్డి బిటిహెచ్ విశ్వవిద్యాలయంలో చదువుతున్నాడు. జనవరి 26వ తేదీన అతను క్లాస్‌కు వెళ్లాడు. ఆ తర్వాతి నుంచి కనిపించడం లేదు. దీంతో సహ విద్యార్థులు జనవరి 28వ తేదీన అక్కడి పోలీసులకు ఫిర్యాదు చేశారు.

English summary

A Telugu student Dheeraj Reddy, studying in Sweedon is missing since January 26.