టి, ఏపిల కోసం ‘తానా’ నిధుల సేకరణ

న్యూయార్క్: ఆంధ్రప్రదేశ్ నూతన రాజధాని నిర్మాణం, అభివృద్ధి, తెలంగాణ అభివృద్ధి కోసం నిధులు సేకరించేందుకు ఒక ప్రత్యేక కమిటీని నియమించినట్లు తెలుగు ఉత్తర అమెరికా తెలుగు సంఘం అధ్యక్షుడు మోహన్ నన్నపనేని ప్రకటించారు. తెలంగాణ, ఆంధ్రప్రదేశ్ రాష్ట్రాల అభివృద్ధిలో నిర్మాణాత్మక పాత్ర పోషించాలనుకుంటున్న ప్రవాస భారతీయులు తమ వంతుగా విరాళాలు అందజేయాలని భావిస్తున్నారని, వారి కోరిక మేరకు తానా ప్రత్యేక కమిటీని ఏర్పాటు చేసినట్లు ఆయన తెలిపారు.

అమెరికాలోని ఎన్నారైలు అందించే విరాళాలపై పన్ను రాయితీ ఉంటుందని మోహన్ నన్నపనేని తెలిపారు. దాతలు ఒక్క రాష్ట్రానికైనా లేదా రెండు రాష్ట్రాలకైనా తమ విరాళాలను అందజేయవచ్చని తెలిపారు.
తాము సేకరించే విరాళాలను రెండు రాష్ట్రాల ప్రభుత్వాలకు అందజేస్తామని.. నిధులను సద్వినియోగం చేసుకోవాలని కోరనున్నట్లు ఆయన చెప్పారు.

తమ మాతృ భూమి అభివృద్ధికి తమ వంతుగా సహాయం అందించాలని అమెరికాలోని చాలా మంది తెలుగువారు ముందుకు వస్తున్నారని మోహన్ నన్నపనేని తెలిపారు. రెండు రాష్ట్రాల అభివృద్ధికి విరాళాలతోపాటు తమ ఆలోచనలను కూడా తెలియజేయాలని కోరారు. రెండు రాష్ట్రాల ప్రభుత్వాలు తగిన విధంగా స్పందిస్తే.. రాష్ట్రాల అభివృద్ధి కోసం అమెరికాలోని తెలుగువారు మిలియన్ డాలర్లను అందించేందుకు సిద్ధంగా ఉన్నారని చెప్పారు.

డైరెక్టర్ ఆఫ్ తానా బోర్డ్ ఆఫ్ డైరెక్టర్స్ జయరాం కోమటి, తానా సెక్రటరీ సతీష్ వేమన కొత్త రాష్ట్రాల ప్రభుత్వాలు, కేంద్ర ప్రభుత్వానికి సన్నిహితంగా వ్యవహరించి అవసరాలను తెలుసుకుంటారని చెప్పారు. విరాళాలు అందించాలనుకునేవారు తానా వెబ్‌సైట్ http://www.tana.org/donate సంప్రదించాలని కోరారు.

English summary

Mohan Nannapaneni, President of TANA announced today that TANA Executive Committee is creating two special earmarked funds AP Capital Development Fund, for the development of the new capital of Andhra Pradesh and Telangana Development Fund for development of Telangana.