అంగన్వాడీ ఉద్యోగాల నోటిఫికేషన్ పై మంత్రి సీతక్క కీలక ఆదేశాలు!

అక్టోబర్ తొలి వారంలోగా అంగన్వాడీ టీచర్లు, ఆయాల యూనిఫామ్ లు

అంగన్వాడీ కేంద్రాల్లో టాయిలెట్లు, తాగునీరు, విద్యుత్ సమస్యలను గుర్తించి వెంటనే పరిష్కరించాలన్నారు. అంగన్వాడీ టీచర్లు, ఆయాల యూనిఫామ్ లను అక్టోబర్ తొలి వారంలోగా సిద్ధం చేయాలని ఆదేశించారు. ప్రతి జిల్లాలో అడాప్షన్ సెంటర్లు ఏర్పాటు చేసే దిశగా చర్యలు వేగవంతం చేయాలని మంత్రి సీతక్క పేర్కొన్నారు. రాష్ట్రంలో ఇప్పటికే 17 అడాప్షన్ సెంటర్లు ఉన్నాయని అధికారులు మంత్రికి వివరించగా అవసరానికి తగ్గట్టు అడాప్షన్ సెంటర్లు ఏర్పాటు చెయ్యాలన్నారు.

16 జిల్లాల్లో నియామకాల నోటిఫికేషన్లు జారీ చేశారన్న మంత్రి

అంగన్వాడీ టీచర్లు, ఆయాల నియామకాలను త్వరితగతిన పూర్తి చేయాలని మంత్రి సీతక్క పేర్కొన్నారు. 16 జిల్లాల్లో నియామకాల నోటిఫికేషన్లు జారీ చేశారని, మిగిలిన జిల్లాల్లో కలెక్టర్లతో సమన్వయం చేయాలని ఆదేశం ఇచ్చారు. అంగన్వాడీ కేంద్రాల్లో పిల్లల పోషకాహారం, ఎదుగుదలపై శాంపిల్ సర్వే నిర్వహించాలని మంత్రి సీతక్క తెలిపారు. సర్వే ఆధారంగా పోషకాహార కార్యక్రమాలను మరింత మెరుగుపరచాలని చెప్పారు.

తెలంగాణ ప్రభుత్వానికి కేంద్రం భారీ గుడ్ న్యూస్..ఇక నుంచి..!!

కేంద్రం నుంచి వచ్చే నిధులు లాప్స్ కాకుండా వినియోగించాలన్న సీతక్క

కేంద్రం నుంచి వచ్చే నిధులు లాప్స్ కాకుండా పూర్తిస్థాయిలో వినియోగించాలని మంత్రి సీతక్క పేర్కొన్నారు. ప్రజల అవసరాలకు అనుగుణంగా ప్రతి రూపాయి వినియోగించాలన్న మంత్రి సీతక్క అంగన్వాడీ వ్యవస్థను బలోపేతం చేసే అన్ని చర్యలు తీసుకోవాలని పేర్కొన్నారు.