జాతీయ చలనచిత్ర పురస్కారాల్లో బిగ్ ట్విస్ట్: ఈసారి వేదిక షిఫ్ట్?
ప్రతిష్టాత్మక జాతీయ చలనచిత్ర పురస్కారాల ప్రదానోత్సవం అనగానే సాధారణంగా అందరికీ ఢిల్లీ వేదిక గుర్తుకు రావడం సాధారణమే. అయితే దశాబ్దాలుగా ఢిల్లీ వేదికగానే జరుగుతున్న ఈ కార్యక్రమంలో ఈ సారి సాంప్రదాయాన్ని పక్కనపెట్టి ఓ కొత్త ప్రదేశానికి తరలివెళ్తేంది. ఈ సారి అవార్డుల ప్రదానోత్సవం కోసం ఎంచుకున్న ప్రదేశం కార్యక్రమానికి మరింత ప్రత్యేకతను, ఆసక్తిని తెచ్చిపెట్టింది.
72వ నేషనల్ ఫిల్మ్ అవార్డ్స్ ప్రదానోత్సవాన్ని సెప్టెంబర్ 22న గుజరాత్లోని ఏక్తా నగర్లో ప్రసిద్ధ 'స్టాచ్యూ ఆఫ్ యూనిటీ' సమీపంలో ఘనంగా నిర్వహించనున్నారు. భారత రాష్ట్రపతి ద్రౌపది ముర్ము విజేతలకు ఈ పురస్కారాలను అందజేయనున్నారు. ఏళ్ల తరబడి ఢిల్లీకే పరిమితమైన ఈ అవార్డుల వేడుక ఈ సారి గుజరాత్కు మారడం ఓ విశేషమైతే.. ఆ వేదిక వెనుక ఓ ఆసక్తికరమైన బంధం ముడిపడి ఉంది.
ఈ ఏడాది అవార్డు విజేతల జాబితాలో 'స్టాచ్యూ ఆఫ్ యూనిటీ'పై తెరకెక్కించిన ఓ సినిమా కూడా ఉండటం విశేషం. 'స్టాచ్యూ ఆఫ్ యూనిటీ-ఏక్తా కా ప్రతీక్' అనే సినిమాకు జాతీయ స్థాయిలో గుర్తింపు లభించింది. ఏ స్మారక చిహ్నం గురించైతే ఈ చిత్రాన్ని రూపొందించారో, సరిగ్గా అదే 'స్టాచ్యూ ఆఫ్ యూనిటీ' నీడలో ఆ చిత్ర బృందం పురస్కారాన్ని అందుకోబోతుండటం గమనార్హం.
ఈ అవార్డుల విజేతల వివరాలను గత జులై నెలలోనే ప్రకటించిన విషయం తెలిసిందే. 'ఆర్టికల్ 370' సినిమా ఉత్తమ ఫీచర్ ఫిలింగా ఎంపికవ్వగా.. యామీ గౌతమ్ ఉత్తమ నటిగా నిలిచారు. అలాగే మమ్ముట్టి, కార్తీక్ ఆర్యన్లు ఉత్తమ నటుడి అవార్డును పంచుకున్నారు. తెలుగు సినిమా విభాగానికి వస్తే వైజయంతి మూవీస్ నిర్మించిన 'కల్కి 2898 ఏడీ' సినిమా ఉత్తమ ప్రజాదరణ పొందిన చిత్రంగా జాతీయ అవార్డును కైవసం చేసుకుంది. ఈ సారి జాతీయ అవార్డుల వేడుకకు కొత్త చిరునామా దొరకడమే కాకుండా.. ఓ విజేతకు అత్యంత సార్థకమైన వేదికగా నిలవడం సినీ వర్గాల్లో విశేషంగా నిలిచింది.
Click it and Unblock the Notifications
Sign in with Google
