మ‌రో కొత్త ప్రాజెక్టు స్టార్ట్ చేసిన సూర్య‌..ఎక్క‌డో తెలుసా..?

న‌టుడు సూర్య గ‌జిని సినిమాతో తెలుగులో మంచిపేరు సంపాదించుకున్నాడు. విభిన్న‌మైన పాత్ర‌లు, కాన్సెప్టు ఉన్న‌క‌థ‌ల‌నే ఎంచుకుంటాడు న‌టుడు సూర్య‌. ప్రస్తుతం 'కంగువ' అనే చిత్రంలో న‌టిస్తున్నారు. అయితే, ఈ సినిమా ఇంకా షూటింగ్‌లోనే ఉండ‌గానే మ‌రో ప్రాజెక్టుకు సిద్ధ‌మ‌య్యాడు. ఈ మూవీ షూటింగ్‌ను అండ‌మాన్ దీవుల్లోప్రారంభించిన‌ట్లు సూర్య స్వ‌యంగా సోష‌ల్‌మీడియా వేదిక‌గా ప్ర‌క‌టించాడు.

ఈ సినిమాకు కార్తీక్ సుబ్బ‌రాజు ద‌ర్శ‌క‌త్వం వ‌హిస్తున్నాడు. ఇక‌, ఈ సినిమా షూటింగ్ స్టార్ట్ అయ్యిన‌ట్లు ఎక్స్ వేదిక‌గా సూర్య అభిమానుల‌తో పంచుకున్నారు. 'లైట్స్, కెమెరా, యాక్షన్..' అంటూ 'లవ్, లాఫ్టర్, వార్' ఈ మూడింటి నేపథ్యంలో కార్తీక్ చిత్రీకరణ మొదలుపెట్టాడని సూర్య పోస్ట్ చేశాడు. ఈ పోస్ట్ తో పాటు ఓ వీడియోను కూడా రీలీజ్ చేశాడు.

ఆ వీడియోలో సూర్య ఓ కొత్త లుక్‌లో కనిపిస్తూ ప్రేక్ష‌కుల‌ను అల‌రించ‌నున్నారు. ఇది సూర్య నటిస్తున్న 44వ చిత్రం. ఈ సినిమాలో పూజా హెగ్డే హీరోయిన్‌‌‌‌‌‌‌‌గా చేస్తోంది. ఈ చిత్రానికి కార్తీక్ సుబ్బ‌రాజు ద‌ర్శ‌కత్వం వ‌హించ‌గా, సంతోష్ నారాయణన్ సంగీతం అందిస్తున్నాడు. మలయాళ నటుడు జోజు జార్జ్ ఈ సినిమాలో ఓ కీల‌క పాత్ర పోషిస్తున్నాడు.

సూర్యకు చెందిన 2డి ఎంటర్‌‌‌‌‌‌‌‌టైన్‌‌‌‌‌‌‌‌మెంట్, దర్శకుడు కార్తీక్ సుబ్బరాజ్‌‌‌‌‌‌‌‌కు చెందిన స్టోన్ బెంచ్ ఫిల్మ్స్ సంస్థలు కలిసి ఈ సినిమాను నిర్మిస్తున్నాయి. త్వ‌ర‌లోనే ఈ సినిమాకు సంబంధించిన పూర్తి స‌మాచారం రానుంది. ప్ర‌స్తుతం సూర్య చేతిలో రెండు పెద్ద ప్రాజెక్టులు ఉన్న‌ట్లు తెలుస్తోంది.

English summary

Actor Surya has started another new project. While the shooting of Kanguva is going on, on the other hand, Surya has started shooting for another new movie. Let's see the details