అయ్యో.. సంక్రాంతి రేసు నుంచి స్టార్ హీరో మూవీ అవుట్..?

సంక్రాంతి పండగ సమయంలో చాలా సినిమాలు రిలీజ్ అవుతుంటాయి. పండగ టైమ్ లో యావరేజ్ సినిమాలు హిట్ అవుతాయి. హిట్ సినిమాలు సూపర్ హిట్ అవుతుంటాయి. ఇక సూపర్ హిట్ సినిమాలు బ్లాక్ బస్టర్ హిట్ అవుతుంటాయి. అందుకే చాలామంది దర్శక నిర్మాతలు తమ సినిమాను సంక్రాంతికి రిలీజ్ చేయాలని ప్లాన్ చేస్తుంటారు.

అయితే ఈ సంక్రాంతికి కూడా చాలా పెద్ద సినిమాలు రిలీజ్ కు రెడీ అయ్యాయి. పాన్ ఇండియా స్టార్ ప్రభాస్ 'రాజాసాబ్', మెగాస్టార్ చిరంజీవి 'మన శంకరవరప్రసాద్ గారు'.. అలాగే మాస్ మహారాజ రవితేజ 'భర్త మహాశయులకు విజ్ఞప్తి' సినిమాలు రిలీజ్ కానున్నాయి. వీటితో పాటు యంగ్ హీరో నవీన్ పొలిశెట్టి 'అనగనగా ఒక రాజు', శర్వానంద్ 'నారీనారీ నడుమ మురారీ' చిత్రాలు కూడా పండక్కే రిలీజ్ అవుతున్నాయి.

సంక్రాంతి పండక్కి తెలుగు సినిమాలతో పాటుగా తమిళం నుంచి రెండు భారీ సినిమాలు రిలీజ్ కానున్నాయి. అందులో దళపతి విజయ్ చివరి సినిమాగా తెరకెక్కిన 'జన నాయగన్', అలాగే శివ కార్తికేయన్ 'పరాశక్తి' ఉన్నాయి. అయితే విజయ్ జన నాయగన్ మూవీ సంక్రాంతి కానుకగా జనవరి 9 న విడుదల కానుంది. విడుదలకు రెండే రోజుల ఉంది.

అయినా ఈ మూవీకి సెన్సార్ నుంచి క్లియరెన్స్ రాలేదు. మూవీలో రాజకీయాలకు సంబంధించిన డైలాగ్స్ ఉన్న కారణంగా ఈ మూవీకి సెన్సార్ సర్టిఫికెట్ ఇచ్చేందుకు నిరాకరిస్తున్నారు. అయితే దీనిపై చిత్ర నిర్మాణ సంస్థ హైకోర్టును ఆశ్రయించగా ఈ పిటిషన్ ను విచారించిన న్యాయమూర్తి ఇరువురి వాదనలు విని తదుపరి విచారణను బుధవారానికి వాయిదా వేశారు. దాంతో ఈ మూవీ వాయిదా పడుతోంది అంటూ సామాజిక మాధ్యమాల్లో నెటిజన్లు పోస్టులు పెడుతున్నారు. విజయ్ చివరి సినిమాకు ఇలా అడ్డంకులు రావడంపై ఫ్యాన్స్ నిరాశలో ఉన్నారు.