• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

డిఎల్ రవీంద్రా రెడ్డి వ్యాఖ్యలపై అధిష్టానం సీరియస్?

By Pratap
|

DL Ravindra Reddy
మంత్రి డిఎల్ రవీంద్రా రెడ్డి చేసిన వ్యాఖ్యలను కాంగ్రెసు పార్టీ అధిష్టానం సీరియస్‌గా తీసుకుంటున్నట్లు తెలుస్తోంది. ఢిల్లీకి సూట్‌కేసులు మోసి పదవులు తెచ్చుకుంటున్నారని ఆయన చేసిన వ్యాఖ్యలు పార్టీ అధిష్టానాన్ని ఇరకాటంలో పడేశాయి. ముఖ్యమంత్రి కిరణ్ కుమార్ రెడ్డిపై తిరుగుబాటు చేయడం కన్నా ఆ వ్యాఖ్యల మీదనే అధిష్టానం ఎక్కువగా మండిపడుతున్నట్లు తెలుస్తోంది. డిఎల్ రవీంద్రా రెడ్డిని వివరణ కోరబోమని రాష్ట్రానికి చెందిన ఎఎసిసి అధికార ప్రతినిధి రేణుకా చౌదరి చెప్పినప్పటికీ ఆ విషయాన్ని వదిలేస్తే నష్టం జరుగుతుందని అధిష్టాన అనుకుంటున్నట్లు తెలుస్తోంది.

డిఎల్ రవీంద్రా రెడ్డికి అధిష్టానం షోకాజ్ నోటీసు జారీ చేసే అవకాశాలున్నట్లు చెబుతున్నారు. తాను చేసిన వ్యాఖ్యలకు వివరణ ఇవ్వాలని అధిష్టానం రవీంద్రా రెడ్డిని ఆదేశించే అవకాశం ఉంది. పదవుల కోసం ఢిల్లీకి కొంత మంది నాయకులు సూట్‌కేసులు మోస్తున్నారని, తన పద్ధతి అది కాదని డిఎల్ అన్నారు. డిఎల్ వ్యాఖ్యలకు సంబంధించిన సిడిలను, వార్తాపత్రికల క్లిప్పింగులను కొంత మంది పార్టీ నాయకులు అధిష్టానానికి పంపినట్లు తెలుస్తోంది. ముఖ్యమంత్రి కిరణ్ కుమార్ రెడ్డిపై డిఎల్ రవీంద్రా రెడ్డి ప్రతి రోజూ విమర్శలు చేస్తున్నారు. తిరుపతిలో ముఖ్యమంత్రి ఏర్పాటు చేసిన కడప జిల్లా పార్టీ నాయకుల సమావేశానికి తాను రాబోనని చెబుతూ ఆయన ముఖ్యమంత్రికి లేఖ రాశారు. పైగా, కడపకు రావడానికి ముఖ్యమంత్రి భయపడుతున్నారని ఆయన వ్యాఖ్యానించారు.

English summary
he health minister, Dr D.L. Ravindra Reddy, continued his tirade against the Chief Minister, Mr N. Kiran Kumar Reddy, on the second day while informed sources indicated that the AICC is contemplating to issue a showcause notice to him seeking an explanation for his remarks against AICC leaders.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X